最愛紅白兵一往無前 - 印尼去到明晚嘅今屆「東南錦」終章，無論贏或輸已經賺晒口碑，究竟破唔破到宿命，首次捧盃？撇開感情票，我仍會撐「紅白兵團」印尼到底。 足球大賽好睇皆因緊湊、驚喜較密集；入行見證92年丹麥、04年希臘神奇捧歐國盃，以至14年巴西令人驚嚇，主場竟然喺世界盃1比7輸畀德國，都睇到被看淡者，咬住啖氣一路衝，有時好有嗰種神奇力量。今屆「東南錦」好睇，入球多，多得神奇主角之一印尼。 決賽首回合鬥泰國，呢班「紅白兵」又喺主將傷出兼落後一球劣勢下，咬住啖氣反撲得手，兩大熱門越南同泰國竟然都輸過畀佢哋，事前無乜人估到；再鬥泰國復仇成功，我認為佢哋最大進步，係由隊長蘇路沙帶動到隊友，嗰股肯拚肯纏嘅戰術，一往無前嘅精神。印尼弱點係上次作客越南，喺尾段領先緊兼踢多個，反而畏手畏尾，要靠加時再突擊成功，入到決賽。 去到曼谷，慣被睇淡嘅印尼相信唔識，亦都唔會縮住踢保住勝局。反而決心衛冕、以獻給前泰王嘅「戰象」泰國唔只壓力大，可能有啲攰。佢哋自從上月中喺「世盃外」惡鬥澳洲後，呢30幾天要踢8場波，近仗所見唔係段段咁好力；而且睇番「戰象」近兩次入到決賽要作客都先輸，返主場都贏唔到，失掉呢個盃，似乎主隊球員壓力唔細。今場波一定係攻防戰，法定時間當然可繼續博印尼長開嘅入球大，但亦可考慮博「紅白兵」史上首次捧盃。 最後多謝am730讀者支持，有緣再見！ 貼士表 星期六7   冠軍   印尼(3.08) 個人簡介 資深體育傳媒人，曾任《蘋果日報》體育版主管十多年，擅於賽前搜集各大小球賽軍情，結合賠率分析及比賽數據，為球迷提供另一睇波視野。

博紅魔車仔作客雙贏 - 踏入十二月中，英超步入快車期，經過周中賽事後，不少球隊馬不停蹄地，又要在週末亮相；強隊兵源相對較厚，變得有利，週六賽事，我們認為曼聯無懼作客鬥西布朗，有力贏波，而車路士作客鬥水晶宮，聯賽10連勝應該手到拿來。 擁有雄厚兵力的曼聯，半季經歷歐霸盃的洗禮，習慣頻密征戰；週六對手為主場相當硬淨、陣容穩定的西布朗，當然不易踢，但小勝而回，應可做到。 雖然我們球員時代，不多踢畢週四歐洲賽，即要匆匆在接着的週日聯賽亮相，但亦明白到球員實在難以適應。歐霸盃暫時停火，已保持聯賽近7戰不敗的「紅魔鬼」，有機會喘息，並可將專注力重回國內，繼續向榜上游推進。西布朗照理與作客曼聯纏鬥，不會太輸蝕；但衡量之下，曼聯始終兵源較厚，相反主隊領隊普利斯就不太喜愛輪換，在頻密賽期下較吃虧；雙方近季交手，入球不多，今場估計曼聯可小勝。 車路士作客史靴斯公園球場，兩軍今季各走極端，尤其防守上，信賴意大利領隊干地的治軍能力及「藍戰士」近季作客對賽的佳績，客勝機會高唱。 車路士剛戰憑復任正選的法比加斯入波，作客小勝新特蘭1比0，近10場聯賽取得輝煌的全勝紀錄，我們覺得「藍戰士」有此佳績，干地這類重視研究戰術及陣式結構的意大利人，居功至偉。而且，「藍戰士」不用踢歐洲賽，球隊不需要投放太多精力在英超以外賽事；尤其在快車期已臨的英超，實在相當著數。 水晶宮防線失球甚多，今季聯賽16戰已失31球，不只是守將的問題，主要是暫沒有一個值得信任的後腰球員，今場縱在較窄細的史靴斯公園球場擺陣，但今季戰績已證明球隊主場優勢不大，而且剛戰硬拚曼聯，今場再招呼近兩季到訪，俱贏波的「穩陣派」車路士，難逃再失分。 星期六2串1推介： 西布朗讓球主客和[+1]和x車路士勝

神奇印尼繼續追 - 一隊係爭第5度封王嘅奪標大熱、一隊係第5度打入決賽嘅神奇球隊，力爭初嘗冠軍滋味；照睇牌面有一段距離，不過印尼不斷製造驚喜，今次再博佢哋喺「東南錦」決賽首回合，坐和望贏。 自從印尼初登場，即能一度力逼泰國終輸2比4後，印象分大增；結果佢哋每次都喺驚濤駭浪下，一路成功闖關，應該係受惠心理壓力不多，輕裝上陣。印尼尤其上仗唔止頂到越南主場圍攻，更靠對手半烏龍波領先；只可惜大賽經驗較少，畀越南踢少個都追到兩球反勝，要戰至加時，客軍先再下一城晉級。 印尼今屆踢咗5場錄得2勝1和2負，當然唔及全勝嘅泰國；但正因「戰象」實力高半班，多休息一天嘅印尼先喺主場出擊，唔會太過保守。雖然主隊呢5場波未試過半場領先，亦預期今戰要先抵住泰國一輪搶攻；但相信印尼尾段會搶回主動，當中利尼柏利近戰越踢越好，會係印尼爭勝關鍵。 泰國一路走來，無風無浪，5戰中有4仗保住零失球。但要留意係，佢哋部份主力，包括王牌射手當達出現疲態；上仗鬥緬甸，喺大局已定下，半場已被教練換走。泰國近5屆4次入決賽得1次捧盃，每戰並一定有當中一個回合輸波；就算佢哋今屆捧盃被看高一線，都識得睇定嚟踢，未必要全力去盡，爭長勝虛名。 今場策略，博半場和局之餘，印尼讓球受讓，下盤當然值得重視。 個人簡介 資深體育傳媒人，曾任《蘋果日報》體育版主管十多年，擅於賽前搜集各大小球賽軍情，結合賠率分析及比賽數據，為球迷提供另一睇波視野。 貼士表 星期三  讓球  印尼受讓半球/一球(1.85)

阿歷斯山齊士的抉擇 - 阿仙奴球星阿歷斯山齊士今季狀態大勇，經領隊雲加調配後改踢中鋒，一樣駕輕就熟，打破所有人的猜疑。皇帝女唔憂嫁，一直傳出意甲勁旅祖雲達斯有意招攬，近日甚至有英國傳媒爆出，有中超球會企圖以高達40萬英鎊周薪力圖挖人過檔。考慮到山齊士正值當打之年，加上其知名度，如真的登陸中原，肯定是史上最震撼的一次！ 我相信有不少球迷會對這個消息嗤之以鼻，只當是煲水新聞。不過，像阿根廷前鋒拿維斯年初加盟河北華夏幸福(隊中另一球員謝雲奴曾効力阿仙奴），其周薪有傳高達40萬鎊，所以再來一個天價挖角，又有多奇怪？事件亦有跡可尋，近日雲加在賽前發布會上被提問到為何山齊士遲遲未肯動筆續約，他的回應是：「要考慮金錢和價值觀(未來發展)。」這是雲加深受問題困擾的一次冷靜回答，事實放在眼前，留在阿仙奴或留在歐洲，山齊士所賺的自不會少，如循正路而上，地位更可進一步提高；轉投中超，一切便戛然而止，但40萬鎊周薪或可彌補。況且，山齊士即將28歲，在其職業生涯，甚至整個人生，這可能是唯一可把握的「變倍」機會，是機不可失！再看其球會紀錄，他轉戰歐洲後，第一支効力的是意甲球隊烏甸尼斯，但頭兩年均外借回智利及阿根廷的球會，實際在意大利只踢了3季，然後被巴塞隆拿收購，轉眼又是3季，再過來阿仙奴，今季也正是第三季，又是時候了嗎？   山齊士如不少南美球員一樣，憑球技努力去上位賺更多的錢，榮譽當然重要，但這種出價，並非一般人可抗拒。如這種事情發生了，又會被指為背棄球會，特別是阿仙奴球迷，早幾年看著法比加斯及雲佩斯等絕對主力離隊，兩人均被指控為「反骨仔」，個人則希望支持者對山齊士的任何抉擇也尊重，畢竟他們替球隊上陣，也是百分百傾盡全力，如因離開而負上忘恩負義之號，那對他們在場上的拼搏也是不太尊重呢！ 最後還有一個重大因素——領隊雲加合約至本季尾屆滿，他的動向不單只影響山齊士，對另一世界級球星奧斯爾決定留下與否(同樣未續約)，也牽連甚大。雲加在位太久，如離開影響必定不少，球隊的未來發展及如何建立，對於一些大牌球星來說最為重要。所以，雲加祈求兩人留下之餘，自己亦要交代清晰，這才對整體有利！ 袁文傑(Andrew Yuen) ，一個演員，從小熱愛音樂、足球運動及寫作，希望藉著這個媒體平台與大家分享，喜愛的球隊為德國、阿仙奴；欣賞的歌手/組合有張國榮及Duran Duran等。

 

[2016-12-16]
[2016-12-16]

藉著伊巴謙莫域完場前建功，曼聯作客以2比1力挫水晶宮，獲得英超兩連勝。其餘前列球隊車路士、利物浦、曼城及熱刺，亦同樣告捷。   紅魔作客水晶宮，一直都控制大局，但馬高斯盧祖連續第二仗雙腳落鏟，幸而球證只出示黃牌，另一後衛、剛復出不久的艾歷拜利則傷出，由達美安入替。及至上半場補時，紅魔藉著一個具爭議性的入球先開紀錄——伊巴涉嫌用手助攻予保羅普巴門前射入，令客軍半場領先一球。換邊後，主隊搶回一些攻勢，麥亞瑟勁射被紅魔門將迪基亞精彩地救出。到了66分鐘，麥亞瑟接應迪米恩迪蘭尼的後腳妙傳單刀射入，為主隊扳平。紅魔再度施加壓力，對方的迪蘭尼禁區內犯手球，但球證走漏眼沒有判罰，桑馬達送球入網，又被誤判越位在先。及至88分鐘，伊巴接應普巴的妙傳左腳射入遠柱，為紅魔奠勝。賽後走進場內逐一擁抱球員的紅魔主帥摩連奴表示：「我知道伊巴在英格蘭會有好表現。以他的年紀(35歲)，最重要的是性格及鬥心。我告訴他，英格蘭不是度假的好地方，他要應付的，是全世界最難踢的聯賽，他卻因此而決定來投。」   車仔10連勝　曼城贏波損根度簡 榜首的車路士作客新特蘭，雖有主將夏薩特倦勤，但藉著法比加斯於40分鐘建功，最終小勝1比0，連贏10場。有米洛列特復任正選把關的利物浦，藉著拉爾拉拿梅開二度，加上奧歷治亦建一功，作客以3比0輕取米杜士堡而重登次席，與第三的阿仙奴同得34分，落後車仔6分。曼城則憑薩巴列達及大衛施華的入球，在主場以2比0擊退屈福特，中止兩連敗及取得最近4仗的首場勝利。不過，他們今仗有根度簡膝部韌帶受創，領隊哥迪奧拿賽後證實該名德國中場需休養一段長時間。

/136



C觀點

中原城市領先指數

廚神

旅遊