Ray手記 - Ray
2015-11-05

政府日前公布9月份零售數據仍然欠佳,Ray昨日出席兩家業界大品牌的記招,聽下佢哋講市況。其中一家是百年老字號先施,其家族第三代接班人、主席及行政總裁馬景煊會後除了講業績,更被記者追問為何不開網店。馬生話網購在內地受歡迎,但在港就不看好,因為落街購物方便,佢仲相信百貨公司不會被取代㖭!至於會否和HKTV Mall合作,他就急急答:「祝佢成功,我無咁多錢去整(網店)。」   不過,馬生亦自知品牌形象予人古老感覺,仲講笑話:「啲人話80幾歲的四叔公鍾意幫襯,所以唔啱年輕人。」故此今次搵咗名模樂基兒(Gaile)拍廣告,希望大家覺得佢著得靚,自己都著得靚。在場記者隨即回應「都要有佢嘅身材先得㗎」,馬生立即笑笑口安慰說:「或者只差兩分吧!」 老牌百貨公司不看好網購,亞洲大型時裝網購平台ZALORA則繼續攻港。對於香港網購情況,其香港營運總監蔡承迅話,見到仍有部分消費者對網購有保留,所以寄望通過大型促銷活動鼓勵嘗試網購。最近便力谷「12.12網購狂熱」,與時裝品牌以外的大企業合作,包括周大福及Microsoft等,於12月12日凌晨12時推出大型優惠,希望藉這類跨界別的網購盛會,建立消費者對電商的信心。 Ray 投身傳媒工作多年,由市場研究做起,一直與公關、廣告、新聞界結下不解緣,心境永遠青春。

/136



C觀點

中原城市領先指數

廚神

旅遊