Ray手記 - Ray
2016-11-21

am730去年首次主辦「全港中學學界廣告賣橋王」比賽成果豐碩,贊助的品牌客戶都讚同學有創意兼有心機,好幾個贊助客戶更採用了同學度出嚟嘅橋,製作真廣告出街,唔係玩玩下。咁好反應,今年自然再接再厲,昨日就係am730主辦的第二屆「全港中學學界廣告賣橋王」高人教路工作坊暨抽籤儀式,Ray現場見個學校禮堂坐滿人,得知今屆報名數字再破紀錄,一共有102間學校、206隊參賽,唔怪得場面咁震撼。 今次比賽唔係齋比讀書考試,而係藉著廣告sell橋過程,激發同學發揮佢地的小宇宙,由最初聆聽了解品牌客戶需要、一齊開會度橋度slogan、合力製作電視廣告的story board 同親自上陣向客戶sell 橋,想hea下都唔得。而且同學賣橋的對象,係真真實實的品牌客戶,唔係模擬嘅,大家都好認真,挑戰可想而知。而昨日的教路高人,亦係廣告界勁人,有香港廣告商會(HK4A)的成潔明(Miranda),同香港廣告客戶協會(HK2A)的楊立凱(David),睇佢兩人毫無保留咁將最堅的Tips向在場同學講解,Ray都學到嘢。 至於參與贊助的品牌客戶陣容鼎盛,分別係:3M 香港有限公司、第一電業有限公司(GENERAL珍寶)、中原地產代理有限公司、幸福醫藥有限公司(特強幸福止痛素)、現代教育、恒和化工有限公司(WD-40)、星晨旅遊、時天優質生活有限公司(得果定)、星光實業有限公司(紅A),以及慈善品牌香港救助兒童會。 Ray~投身傳媒工作多年,由市場研究做起,一直與公關、廣告、新聞界結下不解緣,心境永遠青春。

/136



C觀點

中原城市領先指數

廚神

旅遊