AM730

全部專欄 , 事必低頭

事必低頭 - 土下座

三上真司對自己致敬

2014-10-23

日本遊戲製作人三上真司，於1996年開發出一隻影響力驚人嘅遊戲《生化危機》，由遊戲、電影形成文化，喪屍熱潮從此再冇斷過。呢位一手帶起喪屍遊戲熱嘅名人沉寂多時，直至開發經年嘅《The Evil Within》近日終於面世。遊戲仍然係佢拿手嘅「恐懼求生」作品，離不開主角無啦啦被困大屋、遇上怪物襲擊、子彈卻只得六飛之類，唔同嘅係當中加入咗好多扭曲空間及懸疑劇情，打開書房門外係山野樹林，主角更會不時閃現出死神影像。當人面對危險時或討厭嘅事物時就會產生恐懼，《The Evil Within》似乎正係利用人嘅想像力引發你恐懼情緒，但土下座就覺得隻game最過癮係呢段：主角離遠見到隻喪屍低頭食緊嘢，慢慢行近後，喪屍突然回頭望你，再拋低食咗一半嗰個死人頭向你襲擊！正正係高清重製一次當年《生化危機》主角初遇喪屍時嘅劇情！簡直是為過去的自己乾杯！

來自芒亨的你

2014-10-16

哲學家蘇格拉底說：「要長立於天地之間，就要懂得低頭。」遊戲《Monster Hunter》的忠實fans就話：「要鬥快做到G級獵人，就要懂得低頭。」而且不問地方環境同時間，一有機會就事必低頭，否則趕唔到朋友進度，人人屠龍，得你一個打盾蟹，幾樣衰！《Monster Hunter》俗稱「芒亨」，其實即是遊戲簡稱的日文發音。新作「芒亨4G」11號於日本發售，雖然未知首周實體遊戲銷量會否打破上集170萬呢個數字，但睇日本開賣首日，排隊人數誇張過iPhone6首發，你就知芒亨魅力仍然不滅，人氣之高，已毫無疑問成為新一代國民大作，更引發任天堂新主機new3DS大賣。手執一部3DS，來自芒亨的你就係自己友。土下座係芒亨fans，亦覺集集玩落差唔多，但正如去食佐敦「澳牛」，唯一期待只係炒蛋味道冇變之餘可以更好，又點會期待佢改裝修、加晚市小菜、伙記識講唔該呢？諗得通，你就明點解芒亨多fans，分分鐘玩多十年都冇問題！

<
1
...
4
5
6
7
8

/136

新聞搜尋



	至

C觀點