兩件一周 - 錢雋
2015-03-13
2015-03-06

報載寶島鴻海春節發獎金,有年半年資嘅經理,收3個半月花紅,iPhone6大賣,鴻海肥仔,佢揸住嘅時捷(1184),有得諗。 蘋果上年下半年推iPhone6產品,賣個滿堂紅,市場喻為蘋果伙伴嘅鴻海食到應,上年全年營收創咗歷史新高。鴻海家陣揸咗時捷近20%,係時捷第二大股東。後邊時捷,主打電子元件同半導體產品經銷,兼拓展祖國雲端同物聯網業務。 上年上半年,時捷盈利倒退7%,到6,554萬元,但集團話,因為4G處理器延遲推出,加埋有限數量低檔4G智能手機,所以,普遍不景氣。但時捷亦預期,下半年打後,大多數祖國手機供應商,會推出更多新4G型號,時捷對前景仍然審慎樂觀。更重要係,時捷亦都預期,下半年會攞到更多嚟自鴻海嘅訂單。 睇到係,環球智能手機好景,又祖國4G手機下半年發力,加埋時捷有個超級大孖沙股東,分享到少少訂單,已經不得了。所以,樂觀少少估,時捷上年下半年,有機會比上半年好,而最遲亦應該喺今年上半年反映到。 假定時捷就快派2014年成績單,只Keep到2013年度1.7億銀水位,今年發力,係咁意增長10%,去到1.9億元,連紅股攤薄,每股盈利0.3元。時捷現價(1.93元),得6.4倍預測市盈率(PE)。又時捷再質落上季橫行底1.65元水位,仲值博,收集翻半番到2.48元計,先啱追到股東鴻海預測10倍PE水位。  作者為中細價股專家

2015-02-27

江南集團(1366)單係食住祖國各瓣基建工程,主打電線電纜項目,已經唔使憂,有排做,預測市盈率(PE)大折讓咗80%,殘到爆! 江南單喺上年上半年,盈利就增長66%到近2.5億元人仔,而半年結打後,集團喺上年7月同8月,分別中標國家電網,同中國城市軌道等等項目,總值8億元人仔合約,數據繼續靚仔。 喺阿爺開通城鎮化、整治空氣問題國策底下,國家電網估計,到2020年時,特高壓電網投資,去到1萬億元人仔。又城鎮化衍生城市輕軌需求,同阿爺正係快馬加鞭嘅鐵路項目,所講投資額度,亦係斷萬億元計數。而報載,江南亦估計,若果阿爺要完成「十二五」投資計劃,預計今年需要對電網投資9,970億元人仔,依呢個做推斷,今年目標銷售,已經可以增加30%。 祖國係咁,其他周邊國家,特別係「一帶一路」國策推動下,亞洲各國亦一樣。世銀估計,去到2020年,亞洲區基建資金需求,上到1萬億美元。亦諗到,邊瓣基建都好,亦對電纜電線帶嚟好大需求,江南海外商機,陸續有來。 唔好計多,就以場內專業評估江南就快派2014年成績單,每股盈利係咁意增長18%,到0.25港元做參考,江南現價(1.4元)預測PE,得5.5倍。祖國行家遠東電纜(滬:600869)講緊25倍、東方電纜(滬:603606)40倍,江南PE大折讓近80%。 買江南,當翻半番到2.1元計數,PE先上到近8倍水位,邊有耐追到行家? 作者為中細價股專家

2015-02-13

/136



C觀點

中原城市領先指數

廚神

旅遊