2016年12月16日

 

Ray手記 - Ray
新地ICC垂直跑 郭炳江精神奕奕現身

2016年12月05日
   

 

新鴻基地產發展主辦嘅第五屆「新地公益垂直跑-勇闖香港ICC」,噚日隆重舉行,出席賽事揭幕嘅主禮嘉賓,除了政務司司長林鄭月娥與受助機構嘅代表之外,當然仲有新地管理層,包括執行董事兼副董事總經理黃植榮、執行董事兼副董事總經理雷霆,以及郭氏家族第三代包括執行董事郭基煇與郭基泓……咦!睇真啲,喺起跑線上仲有個熟悉嘅身影,就係新地前聯席主席郭炳江。
自從今年7月成功申請保釋等候上訴後,郭炳江一直未有露面,直至噚日先至精神奕奕現身,仲要將銀髮染番黑,一邊出場一邊舉起拇指,喺起跑線影大合照時,佢仲由第二排上前齊齊影靚相,睇落精神唔錯喎!佢同仔仔郭基煇等人參加「滿FUN體驗」組,都要跑足82層、2,120級樓,唔小嘢㗎,但睇番報道,64歲嘅郭炳江平時都有keep住運動,仲為咗參加呢次賽事而同仔仔一齊操練,應該難唔到佢。
至於舊年有份參賽嘅主席郭炳聯,已經預告咗今年未能上場。不過,喺今年4月與郭基煇一齊升任執董嘅仔仔郭基泓,就代父上場,同樣咁有活力。唔知跑完之後,大家嘅成績係點呢?Ray認為呢個唔重要,因為行善最樂,至緊要係籌到善款幫助受惠機構支持兒童及青少年服務。


Ray~投身傳媒工作多年,由市場研究做起,一直與公關、廣告、新聞界結下不解緣,心境永遠青春。

回首頁      列印

 

/56



C觀點

中原城市領先指數

廚神

旅遊