2016年12月16日

 

熱烈地彈琴 - 小鳳姐
曉明墨寶「度德而處」暗指CY?

2016年12月02日
   

 

距離下屆特首選舉得番4個月,兩大熱門至今仍未表態,但特首梁振英最近似乎風騷非常,中央解禁准泛民申請回鄉證,佢高調話自己一直努力推動此事,甚有領功意味;反觀財政司長曾俊華近日行情低走,一份政府友好報章的專欄昨日大字標題「鬍鬚曾收到中央紅燈」,話財爺訪京期間獨自會見港澳辦主任王光亞,得到清晰答案係「紅燈」,即係中央不贊同他參選。呢類疑幻似真的消息可信性幾大,看官們自行判斷,正如人大常委范徐麗泰所言,有人放風造勢,相關新聞只能當娛樂新聞,小鳳最近就聽到兩則趣聞,不妨同大家分享。
話說愛國愛港第一大黨民建聯早前舉行籌款晚會,中聯辦主任張曉明捐贈的墨寶「度德而處」以天價1,880萬元成交,含金量驚人!「度德而處」出自《左傳》,原句是「度德而處之,量力而行之」,曉明主任當日解釋,「度德而處」意思係按道德標準來處事,用自己德行去感化人,佢仲開玩笑話下一句「量力而行」好難送出去,特別係有意選特首嘅人,「將來萬一選不上的話,我送他這一幅字。」
「西環話事人」字字千金,但「度德而處」四字含意似乎無引起外界好大注意,有政圈口痕友咁樣解讀,「度德而處」字面解係自己評估德行,套用現代政治術語,即係得到人民幾大支持、有無民心,然後先考慮自己做咩,至於下一句「量力而行」就係講能力,按曉明主任話可以送俾輸掉特首選舉嘅人,咁第一句唔通係暗指梁振英?
另一趣聞亦同跑馬仔有關,鍾意玩pun又出謎語嘅立法會前主席曾鈺成,日前公開戲言繼胡國興同胡世全宣布競逐特首後,第三位表態參選的人說不定也是姓胡,但佢講完都係無咩人有反應,皆因芸芸黑馬哪有胡姓男子或女子。有心水清嘅人就一語道破,認為曾主席所指嘅「姓胡」人士,應是人稱「鬍鬚」的曾俊華,小鳳聽完即刻連唓幾聲,忍唔住要封曾主席做爛gag王。

回首頁      列印

 

/128



C觀點

中原城市領先指數

廚神

旅遊