2016年12月16日

 

Ray手記 - Ray
張信剛揭又一城當年開書店有段故

2016年11月29日
   

 

團結香港基金做過科創及社創研究,最近連藝創都做埋,仲邀得第一任文化委員會主席、前城市大學校長張信剛做研究首領。張信剛唔只係做文化勁,佢識得點融合學術與商業一樣勁,因為98年九龍塘又一城落成,咁靚又咁貴的商場地段,點解會有間大書店喺度?原來張信剛主動去同太古講,城市大學喺隔離,咁多學生進進出出,可唔可以有一個舖位係做書店呀?就係咁,又一城Page One當年就成了文化人的必蒲之地。
張信剛的文化觸覺一向備受董建華垂青,回歸後首個文化委員會成立,就係委任張做主席,今次團結香港基金要做首份藝創研究,張信剛一定係不二之選啦。佢昨日好靦腆同Ray講,佢喺香港生活咗咁多年,廣東話都係唔係講得幾好,佢自少識四種語言,法語係學先過廣東話,所以要表達最準確的話都係普通話及法語最好。不過,佢講緊呢番說話時係用廣東話講,咁其實都唔係差啫。
講起營運博物館,張信剛老馬有火。香港博物館水準好高,但點解人流總不及其他城市呢?其中一個原因係,社交媒體暢旺,但有好多個博物館都無開Facebook,唉依家連食啖飯都要做Fb live的時代,博物館會無專頁真係好落伍囉。


Ray~投身傳媒工作多年,由市場研究做起,一直與公關、廣告、新聞界結下不解緣,心境永遠青春。

回首頁      列印

 

/48



C觀點

中原城市領先指數

廚神

旅遊