2016年12月16日

 

晨早去旅行 - 楊振邦
與長腳蟹決戰機張市場

2016年10月03日
   

 

踏入10月,又係韓國的賞楓季節,如果今年想追楓,就一定要去有「第一楓葉山」之稱的內藏山國立公園。無敵靚景加上漫天紅葉,絕對無得輸!不過,除咗欣賞秋色,去開韓國,當然唔少得食好東西!唔知係幻覺,定係我飲大咗?!韓國餐廳啲泡菜真係好食啲,好多時仲可以任食,款色又多!不過,今次唔講泡菜,而係想分享釜山必食名物。
話說有次懷著非常興奮同緊張的心情,於海雲臺搭181號巴士去機張市場,到埗就急不及待要一試超生猛的松葉蟹同長腳蟹,加上無數海鮮檔同各色各樣的海味和新鮮蔬果,完全進入一級興奮狀態!當我走到海鮮檔時,居然發現有韓蟹夠膽向對著我張牙舞爪,只好講句「你已經是隻死蟹!」
揀完蟹,靚女話要等20分鐘,叫我行吓先。唯有走去買吓海味同用各種海產醃製嘅醬料,一定要買用小河蝦醃製嘅蝦醬。終於開餐!一上前菜,竟然是蠶蛹同小海螺,不過,嚇我唔到,照食可也。輪到長腳蟹同松葉蟹登場,咁新鮮嘅蟹,清蒸已經足夠,食嘅係原汁原味,每啖肉都帶住澎湃嘅鮮味,一試難忘!另外,值得一讚的是,上枱時,所有蟹都已經剪開晒,方便大家進食,非常細心!

楊振邦
星晨旅遊市場部總監

回首頁      列印

 

/48



C觀點

中原城市領先指數

廚神

旅遊