2016年12月16日

 

舊物情尋 - 馮俊鍵
鎮家之寶,唯電飯煲

2016年07月08日
  • 1.電飯煲在港的引入,有賴蒙民偉和National。

  • 2.一餐飽飯,就是生活所需,一碗飯,代表一個家。所以一個家,電飯煲係唔可以冇。

  • 3.由National革新致Panasonic,部分型號的電飯煲蓋亦變為全玻璃。

  • 4.廠方先後加入蓋上的視窗玻璃,並且再由平面變為孤形,方便滴水亦減少霧氣。

   

 

安居樂業,有衣有食。瞓得好,食飽肚,原來住在香港這個先進城市,並非人人期望可達到。當堅尼系數(Gini index)係咁升高,工廈唔係迷你倉就係劏房,清貧一族真係要自求多福,唯在此仍為消房和修路工人衷心禱告。
古時家當,唔係鞋履就係衣服,走難都要帶住金器同瓦煲,隨走隨食,都係希望能安居香港。落戶植根,守望相助,誠外無物,成為精神。群策群力,改善家庭,可惜物資豐盛,但欠缺感情。

 

唔用就棄,浪費物質
電器用電,就係人都知。電子零件,真係壞咗唔知點搞掂。在人力成本高企的情況下,棄掉再置比檢查維修更為有效,產品壽命的周期可謂以月速去計,壞咗唔整,換過件仲冇咁貴。香港作為秘密回收海外電子垃圾大場,真係增加無限堆填區都堆唔掂,都仲未計擺明車馬的泥頭山嶺。
五十年代香港,雖然已經有電燈,但大家多數人都仲用緊火水爐。點知有一位從日本留學回港的年輕人人,攜同臘腸及糯米在北角碼頭附近,親身示範無火煮飯。在其努力之下,這日製的電飯煲由1960年的100個大升至1965年的8.8萬個,以至在港家家戶戶第一個家庭電器,唔係收音機就係飯煲。而這對成功的商業夥伴,正是蒙民偉和Panasonic的前身National。
 

鬼斧神工,代代推崇
當時在港所售的Rice Cooker,已佔National(松下電器/樂聲牌)電飯煲總出口量的一半。其完美的結構和工藝,部分至今仍能正常運作。電飯煲的功能超多,煲粥、蒸菜、燉湯,總之就是冇火。配合不同年代的旅遊達人,長途伴侶地遊走天涯。
電飯煲簡單的全機械原理,以發熱線在內鍋全速加熱,剛好鍋內多餘的水分被米粒吸收及蒸發後,便會停止加熱,轉到約65度去作保溫,煮飯之餘更可蒸埋肉餅和排骨。為此蒙先生建議廠方加入蓋上的視窗玻璃,以方便觀看情況。及後再提議由平面變為弧形,方便滴水亦減少霧氣。這種努力不懈的精神,叫飯煲達人是這樣練成。
 

助人自助,就當知足
的確金錢可以換來很多東西,但永不能掌握生活智慧。炫富晒命,呃Like都要懂人情。從來施比受更有福,助人自助才能超越財富物質所帶來的滿足。當然不用仇富,亦望別人更好。個人層面來講,「因為我們沒有帶甚麼到世上來,也不能帶甚麼去。只要有衣有食,就當知足。」(聖經名句)簡簡單單,清茶淡飯,不用下下high dinner去食龍蝦。真正的擁有,不是保留而是付出。一家人,一餐飯,一個飯煲,陪同明哥送飯,飽愛人間。
舊,其實是相對而非絕對。舊物,亦不限於事物,而係連於情感。舊物的價值,其實在於愛有幾深,珍惜眼前人與物,不用分離生活,只做宅男。分享生活,分享生命,就可常新情尋。共四十二期的「舊物情尋」,簡單地對八、九十年代我們香港生活的物品作了簡單介紹。由第一期的火銅煲至今期的電飯煲,由童年生活至社會世情,以情為始,以家為結。有謝讀者的支持,專欄此為尾聲,祝福大家!願你喜歡「舊物情尋」。


興趣多而尋究底,愛藏物並擁思人。七十後,舊情尋。電郵:[email protected]
 

回首頁      列印

 

/104



C觀點

中原城市領先指數

廚神

旅遊