2016年12月16日

 

靜觀者言 - 馮振超
當李國章遇上劉慧卿

2016年05月23日
   

 

本周四將會有一件在政壇有趣的事情發生,就是民主黨主席劉慧卿遇上行會成員、港大校委會主席李國章,他們已擇好今個星期四呢個良辰吉日,對談做網上節目,兩個同樣有性格、但政見上南轅北轍的人,究竟會擦出咩火花呢?
今次劉李之會係由卿姐主動提出,目的是希望跟港大校委會主席李國章,來一次親切的對談。據說其實卿姐早有此意,但亞瑟王之前說因為港大新主席任命風波未息,故暫且擱下,後來經過多番交流後,終於互相夾到時間,令這次公開播出的對談有機會成事。
卿姐今次除了自己擔任主持之外,更出埋錢租場地,使了數千元在觀塘一個錄影室。大家都知李國章係DBC數碼電台主席, 為甚麼不因利成便,把這次會面放在DBC作為特備節目呢!可能亞瑟王真係非常小心,無謂俾人話私事公辦,主場出擊。
其實今次兩者能夠對談,可說是香港政治形勢進入一個新環境中的改變,過去建制泛民兩者對壘的局面已經因為港獨或者極左路線(例如有人提出一國一制),兩者各走極端而令各政治勢力, 需要重新定位。甚至一些表面上的合縱連橫之局亦有可能出現。非友即敵的時代已經過去, 成熟的政治人物其實應該洞察到,守住固有地盤之餘,如何把過去的敵人變成今日的朋友亦甚重要。 雖然我覺得劉、李二人公開對談未必有這種政治計算, 但新一代的政治人物應該借鏡。以免搞到自己經常要面對四面埋伏、或者敵人處處,政治講求聚眾,而非孤立。
政治立場堅定,從政態度又八面玲瓏的政治人物,近年已可說絕跡於政治最前線,我能記起的可能已經是淡出政壇的夏佳理了。
 

回首頁      列印

 

/56



C觀點

中原城市領先指數

廚神

旅遊