2016年12月16日

 

兩件一周 - 錢雋
單幢物業價>世建市值

2015年12月16日
   

 

世紀建業(079)繼9月話考慮標售上環酒店後,啱公布無耐,出售埋證券瓣數,多咗變現資產動作,要昅昅。
報載第一太平戴維斯話,家陣世建揸住上環酒店市值約3.6億元。搵資料,世建喺2009年中,以1億元購入呢項物業,家陣估價,比世建當年買入價,凸章2.6億元。就算以世建今年6月尾嘅投資物業總值3.1億元,兼當呢筆款額係全數反映酒店項目計,上邊市場估價,仍然凸章5,000萬元,兼大過世紀總市值2.6億元。
呢壇製作暫時未聞樓梯響,但睇到係酒店增值未完全反映晒之餘,喺世建奀豬市值底下,呢吓潛在變現機遇,變得好吸引。世建呢期啱落實以2,400萬元出售證券業務。
老老實實,賣殼活動被盯到實,憧憬細市值公司,俾大孖沙昅中再賣殼變身,極高難度,但成個picture係,世建呢期變現資產意欲多咗,而隨住資產變現,跟住有乜後續性,呢吓耐人尋味。
咪忘記,世紀建業掌舵曾昭武昆仲旗下Barsmark,之前將世建7%權益轉讓俾佢哋媽咪司徒玉蓮,隨住兩個PARTY理順,而股東司徒玉蓮又係叱吒濠江賭壇嘅勁人,世建有無機會再俾原有股東湊大?
咪扯咁遠,博出售酒店製作成事,吼250日線0.77元輕輕一注,世建反映酒店增值部分,以家陣0.7倍市帳率計數,要見1蚊,潛在回報率近30%。
作者為中細價股專家

回首頁      列印

 

/64



C觀點

中原城市領先指數

廚神

旅遊