2016年12月16日

 

兩件一周 - 錢雋
北建食正物流潮

2015年11月25日
  • 北建經營物流業務。圖為其網站。

   

 

北京建設(925)食住物流業強勁需求,加埋優厚拓展潛力,但現價仲喺3年橫行底載浮載沉,有得諗。
據國家郵政局估計,今年全國快遞總量,會達到200億件,又據諮詢機構艾瑞估計,去到2017年,電子商貿規模,會上到近22億萬銀人仔。又按北建年報資料,好似美國先進體嘅物流設施滲透率,人均5.06方米,而祖國只係得0.41方米。
睇到係隨住互聯網普及同科技發展,改變消費模式,加埋物流配套不足,仲有勁大發展空間,大勢配合晒。再睇北建。家陣搞緊嘅馬駒橋物流園,總面積逾360萬方呎,完工後物流園將成華北最大綜合物流設施。又北建終極母系係北控集團,北建喺攞用地起物流倉儲或財務support又有優勢。喺咁強背景底下,北建現價(0.58元)仲喺3年橫行底,得68億銀市值,市值同級數唔成對比。又北建呢個殘價市帳率(PB)0.87倍,場內專業預估集團明年同後年0.76倍同0.64倍PB。對應場內同樣講緊中資有級數物流瓣數,中外運(598)明年同後年1.1倍同1.03倍PB、深圳國際(152)1.15倍同1.06倍PB,北建PB平咗近半。
煲北建,博俾母系湊大成系內物流旗艦,中線博上到1蚊計,講緊要翻半番,預估PB先追貼上邊兩位行家,市值104億銀,都只係深圳國際一半市值水位。 
作者為中細價股專家

回首頁      列印

 

/64



C觀點

中原城市領先指數

廚神

旅遊