2016年12月16日

 

兩件一周 - 錢雋
信達食正寬鬆政策

2015年10月28日
  • 信達昨收報3.07元。圖為董事長侯建杭。(資料圖片)

   

 

中國信達(1359)幾瓣業務,食正阿爺金融寬鬆政策,股價仲潛喺上市以嚟低位,得5倍超低市盈率(PE),大把博向上彈嘅空間。
信達係祖國四大資產管理龍頭之一,主打不良資產管理、證券、資產管理投資等瓣數。啱過去周末,中國人民銀行雙降,阿爺再放水,信達幾瓣都食到正。
又信達現價(3.07元),仲潛喺2013年上市以嚟低位,比起5月時高位5.23元,仍然累跌40%過外,相對上市價3.58元,潛水15%,殘到爆。
場內專業評估,信達今、明兩年每股盈利0.52港銀同0.6港銀,兩年預測5.9倍同5.1倍PE,祖國同樣食正減息潮內券股,兩年平均16倍同15.2倍PE。仲吸引係,除咗受惠雙降之外,信達前排話買南洋商業銀行,呢壇製作若果順風順水,集團將會係四大不良資產管理公司中,唯一一間攞到金融瓣數全牌照,對日後坐大壯大,同資產值提升,更加無往而不利。
專業預估,亦係咁估,信達今、明兩年每股資產值,分別增加11%同12%,去到3.57元同4蚊,今、明兩年市帳率(PB)得0.85倍同0.77倍,而內券平均PB,係講兩倍樓上,信達又係平咗超過50%。
參考彭博18個場內大行報告,有16個建議買入信達,即係佔咗近90%評級,都係睇好信達,又唔好貪多,中線當信達係咁意翻半番到4.6元計數,明年預測PE先得7.5倍,係未有耐追到內券股平均PE水位。
作者為中細價股專家

回首頁      列印

 

/64



C觀點

中原城市領先指數

廚神

旅遊