2016年12月16日

 

兩件一周 - 錢雋
1798冷灶有得諗

2015年10月23日
  • 大唐新能源虧轉盈,圖為董事長王野平。

   

 

大唐新能源(1798)綜合今年頭9個月,無論成績單或者發電量,都有睇頭,但股價係無點郁過,同級數新能源國企股,大唐新能源市帳率(PB)又至抵搞,冷灶有得諗。
大唐新能源由上年上半年出血1,440萬銀(人仔,下同),虧轉盈到今年上半年盈利2.8億銀。就算唔計今年金融資產虧轉盈5,400萬銀(上年項目出血1.28億銀),呢項非主打項目收益,實際盈利都增長近40%,靚仔到痺。又拉上補下,今年頭9個月,大唐新能源完成發電量778.27萬兆瓦時,按年增加近10.5%,該集團今年第四季,只要中規中矩,全年成績單已經掂檔,有得炒盈喜。
大唐新能源現價(1.04港銀)潛喺近兩年半低位,比起今年6月底資產值,現價得0.7倍PB,又比起集團由2010年上市以嚟嘅平均0.9倍PB,亦折讓咗22%。場內同樣係大型國企級旗下潔能股,華電褔新(816)同華能新能源(958),都係1.3倍PB,又北京市重點新能源企業京能潔能(579)1.25倍,就算大唐新能源比最平嘅京能,PB亦係平咗44%。
五中全會就開波,新能源應該係阿爺焦點鐵膽,冷灶煲大唐新能源,當上番本身平均0.9倍PB,講緊要升28%,到1.3港銀,呢個目標PB水位,都仲未追到京能。  作者為中細價股專家

回首頁      列印

 

/108



C觀點

中原城市領先指數

廚神

旅遊