2016年12月16日

 

這個說法太浪漫 - 黃明樂
有錢,唔袋住先?

2014年12月29日
   

 

做夢想不到,聖誕節竟跟錢有關。以往頂多覺得,錢,跟新春有關。但是,一百歲唔死都有新聞,天降橫財,解款車竟然那麼鬆懈,車門離奇故障跌出數千萬大鈔,自動開倉,銀紙滿天飛,如果是一個電影鏡頭,一定好震撼。
鏡頭任擺,人性的醜惡,卻是金牌編劇都未必寫得出。途人冒險搶錢,手快有手慢無,有點像N年前那些電視台遊戲,贏家可於一分鐘內在超市瘋狂掃貨,放得下購物車的就能拿走。反正免費,點解唔攞?天降橫財,點解唔執?執得一張得一張,有錢點解唔「袋住先」?
很多人不禁想,如果,如果雨傘運動,仍然未散。這一群對假普選不會「袋住先」的人,會不會也把銀紙「袋住先」?
大概,不會吧。可能還會手拉手為解款員開路,一邊大叫「唔好執,唔好執」,就像面對滋事分子衝擊時,大叫「冷靜、冷靜」一樣。也可能,有人會幫手執,疊好,再交還給解款員,就像在佔領現場把垃圾分類一樣。
我當然不會天真得以為佔中者不貪錢。錢,誰不想要?可能佔領者當中,有些人曾經也在街上執過錢。但信我,行街會執,在佔中現場,肯定不會。
這,跟錢無關,跟場景有關。事關當你有個崇高理想,就不想予人口實。不值得,不值得。不忍心運動的成果付諸一炬,在各方面都要做到最好。貪錢的不執錢,亂拋垃圾的會把垃圾分類,平日不唸書的會來佔中自修室做功課餵蚊。信念會改造一個人,會令人自愛,令人自強,因為不想被人「有位入」。這就是信念的魔力。
話就回來,其實最應該去執錢的,是亞視員工。一家無人睇又無糧出的電視台,為何還可以霸佔着免費頻道繼續營運?
 


黃明樂,自由創作人,作品包括《通識救港孩》、《港孩》、《從AO到Freelancer》、《光明女樂》及《聰明一點就夠》等。

回首頁      列印

 

/44



C觀點

中原城市領先指數

廚神

旅遊