頁數 966 / 969

娛樂

2010-08-30

陳奕迅(Eason)昨日以一身黑衣,出席演唱會DVD簽名會,為200名歌迷簽名,並與現場700名fans與圍觀者,一起做出心型手勢,把愛傳送出去。大會原安排有遊戲環節,但遭Eason要求取消,因為港人在菲律賓被屠殺,令他心情惡劣,更說案發時,一度淚灑飛機上。       大會本來沒安排他唱歌,他卻現場清唱一曲《今日》分享感受。全場fans更拍手和應,活動上Eason明顯心不在焉,因先後三次將藍光講錯為藍牙。Eason在台上說:「最近我也有八卦吓網上評論,知道大家都有好多說話,我自己都好唔開心,不過事情已經發生咗,大家始終都要向前望,社會要多啲關懷同和諧,同埋俾死傷嘅家人支持。」Eason表示,剛與家人外遊返港,當他在飛機上看到今次慘劇的報道,也忍不住流淚,Eason續說:「當時有位空姐埋嚟同我講嘢,點知自己一臉淚水,所以覺得好尷尬。」       Eason呼籲多些關懷與體諒   至於他昨日主動獻唱,是希望可以令現場fans開心些,並稱本想取消簽名活動去參加遊行,但因為工作早已安排好,一旦取消便影響很大,所以如期舉行,他說:「大家喺唔同地方,都係同一條心,做同一件事。」   Eason又稱,沒心情穿鮮色衫,故選擇一身黑衣示人。Eason又呼籲大家多些關懷與體諒,他說:「我明白大家嘅憤怒,不過希望唔好積聚怨氣,而且我哋要相信香港政府,佢哋會盡力去做。」

2010-08-30

「太陽計劃2010壓軸南區音樂峰會」,昨日於香港仔運動場舉行,活動主題為關懷互勉、發揮香港人團結精神,出席的歌手繫上黃絲帶,手牽手合唱《一點燭光》,向馬尼拉挾持人質事件的死傷者表達關懷及祝福。   壓軸演出的楊千嬅表示,昨天早上由成都趕回香港出席活動,她認為今年的活動更有意義,「原先喺悲傷嘅環境下,大會曾考慮過取消活動,但係最終都決定改變活動主題去迎合社會所需,所以今年出席係特別有意義。」千嬅表示,家中亦有菲傭,該菲傭更是丈夫5歲時已經在其家庭工作,大家感情深厚,千嬅說:「菲傭對我先生嘅屋企人好好,佢有同我哋講對唔住,佢睇到件事都覺得內疚同傷心,我哋好明事理,唔會因為今次事件而對菲傭無理取鬧。公道係要討回,但係我哋會理性處理。」 另外,有報道指千嬅與奶奶相處出現問題,千嬅笑稱,若報道她與奶奶相處融洽才是奇怪,因為報道一定不會說她們相親相愛,千嬅說:「我哋相處得好好,但係我一星期起碼有4日唔喺香港,而且我返到屋企,奶奶多數已經瞓咗,我連同佢見面嘅機會都冇。奶奶為人摩登,有時係我同老公之間嘅中間人。」對於有傳千嬅不肯生BB而與奶奶發生磨擦,千嬅指自己要先完成手上工作,之後還要調理身體作好準備。 嘉賓之一的莫文蔚(Karen)則表示,最近忙於宣傳新碟,她表示會以音樂鼓勵大家,去珍惜身邊的人和事,Karen說:「開心或者唔開心,生活都要過,對於呢幾日唔開心嘅事,我哋要用正面心態去面對,最重要係關懷死傷者嘅家人。」談到周星馳與于文鳳分手的傳聞,Karen指出:「我哋好耐冇聯絡,唔清楚佢(周星馳)嘅事。」問到若然碰面會否關心對方,她又避談說:「你哋已經好關心佢喇,我都唔知傳聞係真定係假。」

/136



C觀點

中原城市領先指數

廚神

旅遊