頁數 965 / 969

娛樂

2010-09-01
2010-08-31

菲律賓槍手挾持人質慘劇,引來連串反菲律賓潮,容祖兒早前曾發表過關於「勿亂炒菲傭」的言論,呼籲港人冷靜面對事件,豈料,卻惹來曾參選立法會選舉的林依麗批評,被對方稱為「歌星仔」,以及質疑沒有資格評論時事。身為祖兒好友的何韻詩,昨日出席活動時亦忍不住為好友抱不平。           曾虛報非禮的林依麗,早前接受訪問時狠批祖兒,「佢有咩資格評論啫!呢啲歌星仔,唔係話睇小佢,歌星就去唱佢嘅歌囉!」片段在網上流傳後,隨即惹來網民不滿,祖兒的好友及歌迷紛紛反擊。祖兒則於昨午在微博回應:「我只是做出我認為是對的東西,冇佢咁好氣。好啦,等我這個『歌星仔』為自己打打氣先!加場啦!」並上載其個人演唱會宣傳海報,宣布演唱會加開11月24日一場。     另一邊廂,何韻詩昨日與黃耀明及林海峰出席「拉闊音樂會」發布會,當阿詩被問到林依麗批評祖兒一事時,她最初表現迴避,僅表示已在微博上回應了,但後來終於按捺不住,「我覺得係針對祖兒……其實係針對晒我哋,如果祖兒係『歌星仔』,咁我哋都係『歌星仔』。(會否覺得被貶低身份?)佢(林依麗)好似清朝人,唱歌嘅賣藝戲子,唔可以回應時事,我真係要送首《勁愛你》俾佢。」     直至昨晚,林依麗就事件上載片段作出回應,她聲稱菲律賓槍手挾持人質慘劇造成8名港人死亡,歌星不應為求「博出位」,而「搞大」事件,並向祖兒表示:「如果容祖兒唔鍾意我叫佢『歌星仔』,我咪叫番佢『大歌星』囉!」最後她總結:「要對自己有信心,如果你係『大歌星』,就算人哋叫你『歌星仔』都叫唔番嘅!」

/136



C觀點

中原城市領先指數

廚神

旅遊