頁數 1 / 30

賞味

2016-12-09

又到聖誕！又到聖誕！聖誕節想放肆吃，唔想左度右度，自助餐當然係不二之選。話就話一個價錢任食，但胃只係得一個，要食，梗係揀啲高質素㗎啦！ 文：Phoebe Yuen 澳門JW名廚都匯 傳統澳葡菜 必食：澳門土生菜式焗肉餅(Capela)，內含芝士、黑橄欖及脆麵包粒，傳統上是教堂彌撒後享用的菜式 聖誕特備活動：聖誕塔建造遊戲、尋寶遊戲、聖誕老人模型製作及馴鹿製作等工作坊，亦有聖誕老人及聖誕女郎同大家合照，可以玩足成日 賣點：任飲汽酒、紅酒、白酒及啤酒 平安夜及聖誕節自助晚餐收費：成人澳門幣$888/小童澳門幣$338 訂座：(853)8886 6220 Marco Polo Three on Canton 暖胃靚湯 必食：以6斤重鱸魚慢煮的海龍皇湯、即焗薑味朱古力心太軟及可自由裝飾的蘋果朱古力 聖誕特備活動：聖誕老人派禮物 賣點：食物款式多，平日已經晚晚爆滿，質素有保證 平安夜及聖誕節自助晚餐收費：成人$868起/小童$568 訂座：2113 7828 Kudos 任飲Moët 必食：節日限定的蜜糖燒豬腿、香煎法國鴨肝伴焦糖蘋果及黑松露甜醋濃汁、紅酒燴和牛面肉伴薯蓉等精緻菜式 聖誕特備活動：聖誕老人派發小禮物及攝影區，細路最開心！ 賣點：任飲Moët & Chandon Imperial香檳 平安夜及聖誕節自助晚餐收費：成人$798/小童$488 訂座：3980 3000 帝苑雅苑座  必食龍蝦山 必食：波士頓龍蝦山、烤澳洲和牛、香煎鴨肝及陳皮蒸大連鮑魚等 聖誕特備活動：駐場樂隊及舞蹈表演，全場high爆！ 賣點：主打矜貴菜式，必食龍蝦山及超juicy和牛 平安夜及聖誕節自助晚餐收費：成人$1,198起 /小童$1,098起 訂座：2733 2030 康得思The Garage Bar燒烤自助晚餐 戶外party 必食：即燒新西蘭羊架及肉眼扒、惹味古巴粟米卷及Nachos等 聖誕特備活動：只要挑戰神秘辣辣菜單，可享用自家品牌手工啤酒一杯 賣點：戶外享用首次推出的燒烤自助晚餐，在強勁音樂下載歌載舞，氣氛高漲！ 平安夜及聖誕節自助晚餐收費：成人$598/小童$418(本月16日前訂座並付全數可享八五折優惠) 訂座：3552 3028 喜來登咖啡廳 高質海鮮 必食：鮑魚花膠燉烏雞、即開美國及法國生蠔、烤戰斧牛肋骨及煎鵝肝等經典美食 賣點：refill快唔使排隊，海鮮亦是優質貨色 平安夜及聖誕節自助晚餐收費：成人$858/小童$598 訂座：2732 6789 W hotel 放肆食 必食：極多沙律及配菜選擇，食完唔會有罪惡感 賣點：食物款式多，連火雞都玩埋變奏版─泰式香茅羅勒烤原隻火雞 平安夜及聖誕節自助晚餐收費：成人$998起/小童$499起 訂座：3717 2299 帝京花月庭 型格銀河主題 必食：以銀河為主題的聖誕菓子蛋糕、星球大「箭」(70%朱古力果仁蛋糕)及烤玫瑰煙燻原隻火雞 聖誕禮物：每位客人可獲BOURJOIS AQUA LAQUE晶瑩水彩唇膏液，女士至愛 賣點：一系列銀河甜點，仲唔係用嚟影相呃like！ 平安夜及聖誕節自助晚餐收費：成人$748起/小童$548起(首100位預訂可享低至七八折優惠) 訂座：2622 6154 怡東酒店咖啡室 港島區抵食之選 必食：香煎安格斯牛柳配鵝肝及黃金大頭蝦等傳統美食 聖誕特備活動：聖誕頌歌及聖誕老人派禮物 賣點：以港島區酒店計算，呢個收費超值 平安夜及聖誕節自助晚餐收費：成人$608起/小童$398起 訂座：2837 6781

2016-11-25

未踏入12月，市面已經開始彌漫濃厚的節日氣氛。假期尚未到，但holiday mood已到，點好？最簡單的方法，當然係食餐好嘅，幻想自己享受緊假日嘅美好生活中。咁至係quality of life。 文：Phoebe Yuen 任飲周六Brunch 兩杯即回本！ 愛酒之人怎會不認識ZUMA，以往長期爆滿的周六Brunch最近重臨，除了增設即燒章魚小丸子外，亦不定期與各酒商合作，推出期間限定的cocktails，與及自行調配cocktails的小型工作坊。食物方面，會以定食形式上菜，分別有前菜、燒物、卷物及時令生果，加上無限暢飲2.5小時的cocktails，周六絕對要好好放鬆一下！以ZUMA主餐牌的價錢來計算，每位$450的周六Brunch，只要飲兩杯cocktails便已回本，超值！ 周六Brunch每位$450起   ZUMA 3657 6388 茶香晚宴 Tea WG於下月起供應以茶入饌的晚餐，於8百多款茶中，精選焙茶、御選普洱及聖誕紅茶等，加入不同的時令食材。以頭盤泰式車厘茄沙律配搭酥炸軟殼蟹為例，便用了聖誕紅茶，酸甜開胃的沙律，滲有淡淡茶香。而主菜法國野生海鱸魚配新鮮扇貝千層酥伴柑橘醬汁，就以日式焙茶作配搭，提升魚鮮。在富有氣派的裝潢下享用晚宴，細味每道精緻菜式！ 茶香晚宴 每位$468   Tea WG (IFC分店) 2796 2828 新裝潢　新概念 最近重新裝修的意大利餐廳Amaroni’s，改以光亮而簡潔的純白裝潢示人，牆上掛畫亦換上現代藝術，以配合其紐約意式風格。食物方面，雖換上全新menu，但仍保留部分招牌菜式，分量依舊是大堆頭，好讓大家開心share。此外，亦特意設計分量較少的Café 小點菜式。 總廚Cale Jackson推介的意式香辣燒雞，以原隻迷迭香燒雞配上雜椒茄醬，雞肉嫩滑多汁，蘸以特製的醬汁，微辣惹味。主打輕食的Café部分，推介有烤鮮蝦三文治，新鮮彈牙的大蝦，配以大量蔬菜和清甜的紅椒醬，分量剛好適合於下午茶時間享用。 Amaroni’s　2265 8818

2016-11-18

日本料理中，Omakase(會席料理)是由大廚發辦的menu，屬大廚的個人舞台，以時令當造的食材，配以其個人風格所設計出的精緻料理。食客未必會知道當日所吃的菜式，卻一定有驚喜！文：Phoebe Yuen 每天新鮮抵港 今天於銅鑼灣開業的紫，主打Omakase，結合了日本及法國菜的精粹。餐廳設有半私人座位區，為食客帶來寧靜的用餐氣氛。食材主要有北海道的時令海鮮、鹿兒島及和歌山頂級和牛，以及來自奈良王隱堂農園的蔬果。為照顧素食者需要，更貼心準備了野菜會席料理。大廚每天會按照當日的新鮮食材來變更menu中的菜式，因此每次到訪都會有不同驚喜呢！ 會席料理 每位$1,088  紫 銅鑼灣告士打道255-257號信和廣場UG8號舖  10道菜蟹宴 竹壽司推出以蟹為主題的Omakase，10道菜式全以北海道的毛蟹、松葉蟹、鱈場蟹及渡蟹入饌。其中以渡蟹最為罕見，肉質滑而清甜，大廚將其拆肉伴以蟹膏啫喱作前菜，鮮甜無比。而蟹膏豐腴的毛蟹，輕灼後放上魚子醬已經相當美味。 華麗蟹宴 每位$1,680(供應期至12月底) 竹壽司　銅鑼灣開平道1號Cubus 12樓 限定1個月的秋季滋味 位於銅鑼灣的日本料理旭，糅合傳統藝術與創新概念，以新鮮時令食材創作令人回味的料理。除了Omakase以外，剛於月中推出的「秋之宴」亦是大廚的誠意之作。先以清新的沙律和酸物打開序幕；緊接是多款時令刺身，包括：帶陣陣木香的櫻花木煙野生油甘魚、大拖羅、剝皮魚及伊勢海老伴海膽，建議配以易入口，有”lady killer”之稱的蓬萊色男純米大吟釀。鐵板燒方面，有時令的香箱蟹及燒喜之次。一般的喜之次都以燒烤處理，而大廚選擇以鐵板烹調，煎至外皮香脆，充滿油香，魚肉同時保持多汁嫩滑；可配以黑龍「龍」限定吟釀。炸物方面，師傅將送上目光魚及白子天婦羅。最後，以和牛釜飯及香濃奶白的魚濃湯作結，十分圓滿。呷以旭自家品牌的純米大吟釀，配以油脂豐富的和牛就最好不過！ 「秋之宴」晚餐每位$2,080，可另加$320配以清酒(需於3天前預訂，兩位起)Kyoku旭 　銅鑼灣希雲街38號地下2號舖  

/136



C觀點

中原城市領先指數

廚神

旅遊