2019年05月20日

 

俄54歲美魔女 零下14度依然背心短裙

2016年12月14日 19時28分
   

 

俄羅斯陶里亞蒂氣溫已達攝氏零下14度,行人一身羽絨包到實一實,而54歲女子加琳娜.古傑廖娃就係嚴寒中著吊帶短裙涼鞋出街!

加琳娜已連續六年,無論咩天氣都著短袖短裙或短褲、涼鞋出街。佢話自己以前好怕凍,冬天成日感冒,後來喺醫生幫助下,佢決心改變自己狀態。加琳娜表示保持健康最重要係心態積極樂觀,佢自己會到專門養生機構進行各種培訓,期間會定期沖凍水涼,喺俄羅斯係一種被認為可增強體質方法。

6年前秋日,佢下定決心著得輕便啲出門時,令丈夫都驚訝。當時佢輕裝出街感覺狀態非常好,於是冬天都堅持著好少衫,但並唔覺凍,六一直無冷病。

54歲加琳娜身材苗條,長髮披肩,經常被認作後生女,有時喺路上會因著得太少而俾老人教訓,亦有人問佢使唔使幫手,不過更多人覺得佢好勁!

回首頁      列印

/136