AM730

全部專欄 , 女子漢映畫

女子漢映畫 -

百年老榕樹 X AMC PP

2016-12-16

查實老芬一向係電影中心常客，好少去類似AMC Pacific Place咁嘅style嘅戲院睇戲，一來唔就腳，二來唔buy AMC上世紀入嚟香港嗰陣，標榜嗰個名詞──高級電影院。話說早幾個月咁啱經過Pacific Place，發現AMC正門圍晒板裝修，咁我就諗：「都已經夠金燦燦，真係土豪無極限㗎喎。(下刪1,000字)」結果，早幾日聽聞戲院就快重新開幕，新設計擺脫過往離地形象，以木材做主題，概念來自太古廣場平台嗰棵百年老榕樹，睇落的確soft好多。亞洲首個AuroMax3D音響系統而深得老芬歡心嘅新設施，就係最大嗰個AMC Plus影院，安裝咗亞洲首個AuroMax3D音響系統，JBL喇叭分布成三層音場，齋係試睇段預告片，已經feel到耳膜在震動。咁勁嘅配套，戲票價錢就梗係……(想知？search女子漢Fb啦)

強來的《巴黎最後探戈》

2016-12-09

踏入年底，各大電影頒獎禮陸續公布入圍或得獎名單，新聞當然一籮籮，但近來最花生嘅，係一單發生咗逾30年嘅新聞──X級電影《巴黎最後探戈》金像提名導演貝托魯奇承認，那些年，他監生拍了一幕加料雞姦戲。被譽為上世紀情慾片經典嘅《巴》，由意大利大導貝托魯奇執導，男主角係已故《教父》金像影帝馬龍白蘭度，女主角則是法國女演員瑪莉亞舒利達，故事講述女主角喺嫁人前夕同另一男子發生性行為。講完。大導臨老贖罪呢啲情節，樓下阿順嫂同豬肉榮可能都發生緊，但當中一幕講馬龍用牛油塞入瑪莉亞肛門後發生粗獷性行為嘅戲，史稱「牛油雞姦」戲。事隔多年，已於11年離世嘅瑪莉亞，07年時透露嗰場戲係被迫拍，係馬龍同貝托魯奇事前夾定，而兩人「強來」後亦冇道歉兼冇澄清。近日事件再曝光，全因貝托魯奇早年受訪片段流出，坦承想女主角演得更逼真，引來荷李活群星口水聲討。講到呢度，相信大家都明白，何謂唔入棺材，唔流眼淚。今年七張幾嘅大導演，為咗場戲逼真啲，獎又易攞啲，可以不顧女演員感受，結果當年真係一片爆紅，然後家陣先嚟贖罪。好明顯，瑪莉亞唔係唯一嘅某人藝術成就犧牲品，事實上，上世紀電影圈，女性唔止冇法律保護，連基本尊重都欠奉；近代則有Jennifer Lawrence講過，荷李活本來就係個男女不平等職場。文:女子漢映畫

/136

新聞搜尋



	至

C觀點