AM730

全部專欄 , Ray手記

Ray手記 - Ray

恒隆二代陳文博貼地搵食

2016-12-16

恒隆數學獎昨日頒獎，恒隆地產主席陳啟宗大仔陳文博（Adriel）亦有出席。Adriel上個月中剛剛升咗做執行董事， Ray昨日接過佢張新卡片，順道恭喜下。Adriel話工作方面無大分別，但責任同壓力就大咗。其實Adriel負責範圍包括建設同成本控制方面，都係相當實務的工作，一D都唔離地，例如稍後動工升呢嘅山頂廣場，佢亦有份參與，而家做緊最後設計，佢話呢個唔單只係普通商場，仲係重要旅遊景點，所以要考慮周詳，未來兩年商場會一邊做生意一邊改建，風格要現代得來又能提升顧客購物體驗，聽落都唔簡單。至於平日，Adriel鍾意周圍搵貼地美食，佢話自己唔算食家，但就喜歡周圍去嘗試地道嘢，例如天后華姐清湯腩，佢都有試食心得，話唔定有日Ray於深水埗搵本土美食時，會喺食店同佢踫踫頭。投身傳媒工作多年，由市場研究做起，一直與公關、廣告、新聞界結下不解緣，心境永遠青春。

太興引入越南錦麗牛肉粉

2016-12-16

越南近年積極開拓旅遊業，Ray早前去越南小休，嘗過當地牛肉粉，總覺得味道比香港一般的越南食肆更有風味，心諗有無商人會引進當地品牌到香港，等大家可以享享口福。原來太興飲食集團早有此主意，將會引入越南最具人氣之一的牛肉粉品牌「錦麗」進軍香港，並為旗下首個越南牛肉粉專門店品牌。新店最快下個月在觀塘apm開業。錦麗在1970年於越南創立，被譽為越南最好食牛肉粉品牌，最高紀錄於一天售出超過3,000碗牛肉粉，深受歡迎，華爾街日報讚錦麗係越南胡志明巿最好吃牛肉粉，全球最大旅遊網之一的TripAdvisor評為2,355家胡志明巿餐廳中排名第23，香港著名美食家蔡瀾更曾到訪並大讚：「沒有食過錦麗的牛肉粉，便等於沒有到過越南。」而前高官兼識食之人葉澍堃亦讚其牛肉粉湯香濃甜熱，比食高級法國大餐過癮。講到咁犀利，可能關鍵就係專注，40多年來專注製作越南牛肉粉，堅持用心煮好每一碗粉，湯底清甜醇香，以多種材料精心熬製，是其靈魂所在。講真，Ray好期待安坐香港而能品嘗到優質地道且價錢合理的越南美食。投身傳媒工作多年，由市場研究做起，一直與公關、廣告、新聞界結下不解緣，心境永遠青春。

丘成桐頒數學獎

2016-12-16

講番今屆恒隆數學獎，仍然由獎項創辦人及名數學家丘成桐教授(右一)坐鎮，場面隆重。金獎由何明華會督銀禧中學的梁辰楷同學(右二)，以專題研究On the Summation of Fractional Parts and its Application奪得，培正中學余梓丰、黃梓駿、林翠怡同學獲銀獎，拔萃女書院鄭慧中同學獲銅獎，連同5組優異獎得獎學生，接受合共100萬元獎學繼續進修。好多讀者可能同Ray一樣，連個題目都睇唔明，但唔緊要，據丘教授話，自此獎2004年舉辦至今，參賽學生的水平不斷提高，今年最後12強隊伍中，有多隊的研究題目都涉及一些知名的數學理論，學生們表現令人鼓舞。至於今屆水準，佢話可媲美碩士論文，以中學生來講，已經超晒班。投身傳媒工作多年，由市場研究做起，一直與公關、廣告、新聞界結下不解緣，心境永遠青春。

一人一票揀特首 am730臉書撳emoji表態

2016-12-15

呢排大家最留意嘅新聞，應該係特首選戰。雖然升斗市民無票，但係經歷咗回歸19年、3任特首，大家都識得點評一下，假如我手上有一票，就會……手上無票的Ray都係咁諗，所以都不時與同事交流下，加上依家社交媒體咁方便，不如大家做啲嘢俾普羅大家有個公開嘅平台表吓態，於是《am730》嘅同事就好爽快諗到整個emoji揀特首嘅Facebook活動。當然玩慣Fb嘅梗係會話依家好多投票活動啦，咁我哋都係比較有特色嘅，搵咗駐報漫畫家Cuson繪畫咗5位潛在及已公布嘅特首參選人，包括好中產好功夫的薯片叔叔、好打得嘅林鄭、好多年輕人搵佢起機嘅葉劉，仲有胡官與前立法會主席曾鈺成，大家按不同的emoji代表揀自己嘅心水。咦！淨番個「嬲嬲」表情符號喎，你話留番俾黑馬參選人又得，或者因為5位都揀唔落手要表示憤怒亦得。唔好理咁多，有意見就唔好收收埋埋，嗱嗱聲表態，兼且開心「些牙」，就算未必可以左右大局，俾大家FF吓都好吖！投身傳媒工作多年，由市場研究做起，一直與公關、廣告、新聞界結下不解緣，心境永遠青春。

Like名人唱聖誕歌為兒童發展基金籌款

2016-12-15

講開社交媒體的力量，最好就係用嚟做善事。如果大家仲記得，早前曾鈺成表演一變三唱聖誕歌嘅短片，就係為「兒童發展配對基金」大型籌款活動「聖誕頌歌節」演出，其實呢個活動仲延續緊，繼有「卿姐」劉慧卿、「肥媽」瑪俐亞、高皓正、區瑞強、楊立門、許廷鏗、王菀之及羅乃新(演奏鋼琴)等等獻聲。Ray要特別提醒大家嘅原因係繼續俾多啲Like，因為每一個Like都可以變成神秘善長捐出嘅1元捐款。呢個活動又點少得負責扶貧政策嘅政務司司長林鄭月娥嗰份，佢同勞工及福利局局長張建宗、兒童發展配對基金主席陳龔偉瑩，就啱啱出席咗活動嘅啟動禮，仲喺逾百位嘉賓善長和來自基層的小學生義工陪同下獻唱㖭。整個活動到依家已經錄得超過10萬個Like，到25號就結束啦，大家記得到基金的專頁http://www.facebook.com/HKCSF/多多支持嘞！投身傳媒工作多年，由市場研究做起，一直與公關、廣告、新聞界結下不解緣，心境永遠青春。

商場新意念 K11品味自然氣息

2016-12-15

呢排周圍都係聖誕裝飾，Ray突然想反樸歸真，但係又抽唔到時間去郊外，仍然要喺大型商場裡面鑽，咁啱K11就為顧客提供一點小清新，就係將佔地9,000平方呎嘅空間，以自然及美藝為主題，化身成大型專屬樓層K11 Natural。真係好舒服呀！ K11品牌策劃部助理總經理(租務)黃皓筠話，佢哋今次引入咗12間配合主題嘅商舖，包括山系文化主題餐廳「Something Wild－The Farm野玩田店」、源自法國嘅環保雜貨小店、由居港瑞士人Raphaël De Ry開設嘅「Edgar」，以及由三母女組成家庭式設計團隊，製作手造樹脂花系飾品嘅「Pamycarie」等等。商場不斷注入新意念，講到底都係要吸客，黃皓筠話，預期可以吸引更多25至35歲顧客，有信心聖誕檔期嚟購物嘅人流會有所增長。投身傳媒工作多年，由市場研究做起，一直與公關、廣告、新聞界結下不解緣，心境永遠青春。

港式奶茶的人情味

2016-12-14

港式奶茶滿載本地歷史，相信大家不反對。活現香港與淡奶品牌黑白合辦「港式奶茶情深之旅」，早前帶同參加者遊走於深水埗的大街小巷之中，走訪舊式大牌檔，冰室老店，茶莊及奶茶用具店等，Ray亦跟大隊回看港式奶茶發展史，細訴香港人情味小故事。英軍可算係香港奶茶的始祖，英國人愛喝茶，甚至打仗時都茶不離身！原來運到前綫的水多用油桶盛載，只好加入茶葉和添糖加奶，把汽油味道掩蓋。香港人仿效這種飲茶方法，進而因應本地口味，混合多種茶葉調配茶底，伴以全脂淡奶，創製出香滑濃厚的港式奶茶。後來奶茶日益普及，三行工人(木工、泥水及油漆)更盛行「三點三」，在下午抽時間喝茶小休，補充體力。「三點三」文化盛行，但點解係三點三，而不是三點，不是三點半呢？原來三行工人約於中午十二時吃午餐，至一時開始下午工作，直至六時。若以下午茶時間半小時計算，三點三下午茶就正好將下午的工作時間分為兩等份。參加者鄧氏夫婦係深水埗老街坊，見證該區變遷，特別欣賞深水埗在山寨廠時期的生命力，鄰里之間目標一致，都是希望憑藉一家人的努力不懈，腳踏實地供養兒女、為生活安穩而奮鬥，人情味濃厚。鄧太話，時移勢易，區內山寨廠逐漸式微，香港人精神卻依然可見：「年輕人適應力強，在時代變遷之中找到新出路，這區有好多新創意產業，深水埗依然有種獨特的活力。」另一較年輕參加者Hiuman任職博物館，特別醉心香港舊情懷，每逢放假就四出探秘，甚至習慣每周必定到不同的舊式冰室一坐，觀舊式裝潢、品奶滑茶香：「香港地方雖小，卻擁有很多值得保留的文化遺產。除了經濟發展之外，其實傳承歷史文化也同樣重要。」Hiuman特別喜歡洞天冰室給人的溫暖感覺，亦最愛收藏厚厚的奶茶杯，認為其設計甚有智慧，既可保溫，又能突出傳統奶茶香味。「港式奶茶不僅結合了奶和茶，當中滲透著歷史文化，更是態度，是人情。」投身傳媒工作多年，由市場研究做起，一直與公關、廣告、新聞界結下不解緣，心境永遠青春。

周凱旋料下任特首著力創科

2016-12-14

特首選戰氛圍比聖誕氣氛更濃，財爺辭職、林鄭、葉劉又話積極考慮，認真花多眼亂。Ray雖然唔係選委，但都好關心特首選情。李嘉誠基金會董事、維港投資創辦人周凱旋昨晚出席一個科技產品活動，Ray當然唔放過，問佢點睇枱面人物，佢全部「耍太極」唔答，淨係話咁多人願意服務香港，對香港係好事，仲叫大家要有信心。講到科技發展，佢就話發展創新科技，無論喺中國定世界都係大勢所趨，所以斷言特首候選人一定會有創科政綱，而下屆特首亦會著力創科。周小姐咁講，唔知係咪同候選人打「開口牌」呢？投身傳媒工作多年，由市場研究做起，一直與公關、廣告、新聞界結下不解緣，心境永遠青春。

優質網店認證增顧客信心

2016-12-14

網上購物成為新趨勢，Ray間中亦會到eBay、Amazon找找心頭好，而消委會數據顯示，原來港人參與網購由2004年的7%穩步上升至2014年的23%，顯示香港網上購物具發展潛力。但香港零售管理協會市場推廣及會員管理部主管冼約芬同Ray講，港人用手機上網嘅滲透率高，但網購的購買力低，因擔心網購會令私人資料外洩而卻步。冼約芬話，早近香港零售管理協會推出《優質網店認證計劃》，神秘人從購物體驗、履行交易及信譽三大範疇評審網店的品質，即購物流程、貨物送貨時限、網店是否具備防止用戶資料外洩嘅保安措施等，希望加大消費者信心。通過評審嘅網店可獲發認證標誌及證書，並可將認證標誌用於其網店頁面，相關廣告及宣傳品上。投身傳媒工作多年，由市場研究做起，一直與公關、廣告、新聞界結下不解緣，心境永遠青春。

商舖執位太古城中心大變身

2016-12-13

臨近聖誕，商場要帶動人流谷消費，梗係會換上新布置。不過，太古城中心就唔止，佢哋連啲商舖都變埋「新」，噚日該商場嘅總經理陳綺蓮(Aileen) 就邀請傳媒午宴公布呢個最新消息，佢話嚟緊半年內會引入12間新食肆及零售商舖，到明年夏季就連UA戲院都走唔甩，預計做埋農曆新年檔期就要計劃離開，之後就由百老匯院線嘅MOViE MOViE進駐。噚日餐後，Aileen仲帶傳媒喺商場走一圈，兩星期前先去過呢度嘅Ray都估唔到已經有咁大變化，就喺第二期溜冰場嗰邊，原本係大集團酒樓嘅舖位，已經變咗做food court，至於之前喺第一期嗰邊嘅food court則已經結業，分間成幾個舖位租俾唔同風味嘅餐廳。 Aileen話，佢哋希望提供多元化體驗俾顧客，所以由商場至街舖總共有70間食肆，亦唔係全部高檔，快快手買走食嘅都有，例如爆谷及健康果汁店等。佢仲話food court亦有新概念，玩埋短租pop-up store，每兩、三個月就轉款，依家首度進駐嘅就係獲米芝蓮推介嘅蛇王芬。講到商場就難免要提吓零售市道，今年又話寒冬，不過Aileen話佢哋有溫和增長，過去幾個月嘅人流及銷售數字正面，今年9月與去年同期比較亦見上升，佢仲預計來年該商場嘅表現樂觀㖭。但係商戶對市況未必咁睇，有無要求減租？Aileen無正面回應，只係話會以顧客體驗為主，亦會留意市況。 Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。

聖保羅舊生晚宴賀165周年校慶

2016-12-13

聖保羅書院慶祝165周年校慶，前晚於香港會議展覽中心筵開185席，主題為「保羅萬有」，藉此帶出聖保羅書院的理念—平等精神及學生多元化。呢類名校舊生晚宴，定必名人雲集，就咁數政界及前高官已有曾鈺成曾德成兄弟、任志剛、葉澍堃、李永達、張文新、胡漢清，仲有全國人大代表馬豪輝、前機管局財務總監黎永昌、旅發局總幹事劉鎮漢，及國泰董事程鼎一等，並有演藝界舊生鄭丹瑞、雷宇揚、蔡康年及姚雋彥組成的司儀團。為體現「保羅萬有」晚宴主題，當晚大會更首次展出由一位現職外科專科醫生的舊生周顯，以近5萬塊Lego、用了近3個月時間，砌出的聖保羅書院整棟建築物。模型中展示學生生活點滴，如上課情況、踢西瓜波的經典場面，將舊生對聖保羅書院的情懷結集起來，原原本本地呈現出來。 Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。

駕車達人app有獎勵

2016-12-13

有無諗過安全駕駛都可贏取豐富獎品？美亞保險推出全城首創的「你是否全港最好駕駛者?」比賽，廣邀全港私家車司機參加比試，比賽由即日起至明年3月11日，得獎者有機會獲一年免費燃油 (總值15,000元)。參加者只需下載智能駕駛手機應用程式「AIG駕車達人」，該應用程式為駕駛者提供個人化資訊，透過量度一些指標如加速、平均速度、煞車力度及轉彎速度，以評估及藉以提升參加者的駕駛能力。用家可利用此資料互相比試或參加多項比賽如「男與女組別賽」，一面爭取徽章、獎賞及特別禮品，一面在社交媒體與朋友及家人盡情分享。美亞保險香港有限公司香港區行政總裁施瑞達更指，符合安全標準的駕駛者可獲得獎品及汽車保險折扣優惠。 Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。

港產聖誕老人再奪三甲佳績

2016-12-12

香港首位女聖誕老人Santa Kiwi(潘倩雯)與上屆國際賽冠軍師兄Santa Apple，日前遠赴瑞典北部小鎮耶利瓦勒 (Gällivare)，參加有「聖誕老人奧林匹克」之稱的「國際聖誕老人運動會2016」。兩人今次雖未能奪冠，但亦獲選為季軍，令香港連續8年保住三甲，總算有交代。只有1.53米高的Santa Kiwi話自己係比賽中唯一的亞洲女性，出發前一直很緊張，但師兄Santa Apple給予她很大鼓勵，結果兩人的聖誕老人團隊於四個比賽環節中表現合拍，更於「聖誕熱舞大賽」中獲得全場掌聲，帶起全場氣氛。「細粒」令Santa Kiwi發揮平衡力及靈活性的優勢，而熱愛極限運動Parkour的師兄Santa Apple，擅於以日常設施作障礙物或輔助上穿梭疾走、跨欄、飛越屋頂、在樓梯打空翻等。親和力十足的港產聖誕老人團隊，結果在傳說中的聖誕老人故鄉為港爭光。Ray在此恭喜佢地。 Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。

2016-12-12

香港善德基金會一向支持青年人科研創新，上周六與香港科技協進會合辦「2016青年科技論壇」，邀請4位以科技創業的年輕創業家分享實踐意念心得，基金會創會主席董吳玲玲話，今年的主題為「實踐」，即希望同學的創意不要只流於空想，鼓勵將意念實踐出來。 Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。

2016-12-12

天氣轉涼，煤氣公司聯同社會福利署及6間長者地區中心，昨日合辦愛心湯行動，約600位義工將愛心「靚湯」和福袋送贈予東區及灣仔區600位獨居和體弱長者，希望能在寒冬為長者送上祝福和關懷，圖為煤氣公司執行董事暨公用業務營運總裁黃維義帶同熱湯和福袋，探訪91歲古伯伯，閒話家常，場面溫馨。 Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。

1
2
3
4
5
...
49
>

/136

新聞搜尋



	至

C觀點