2016年12月16日

 

嫻情說理 - 陳婉嫻
街坊談論曾特首

2012年03月01日
   

 

寫了多天對曾特首的感受,由憤然指斥到好言相勸都寫過,今天,不如反映一下小市民的直接感受。
「陳姑娘,喺曾特首身上,我見到阿基諾三世嘅影子。」菲律賓人質事件中,菲律賓總統阿基諾三世的態度令港人憤怒,他出來視察時一臉笑容,既不肯承認行政失誤,亦不肯向香港人道歉。當時,曾特首曾以地方行政長官身份直接聯絡這位總統,更慘吃閉門羹。「曾特首一樣,佢對於自己種種行為完全冇悔意,向公眾嘅答覆就更輕佻,一副被傳媒迫害嘅樣子。」
有街坊亦有同感:「係呀,最反感係曾特首『乜都得』,完全侮辱市民嘅智慧,好似有地產商05年搬咗部跑步機去佢屋企 (指禮賓府,而不是『曾大屋』),用到今時今日,一直都冇申報,但佢居然解釋話係「借用」,無需申報,咁借一世都得啦!仲有佢話租用富商豪宅、坐私人飛機同遊艇都已經畀咗「市價」,叫人點信呀!」
另一個街坊認為阿基諾三世還形容得不夠傳神:「阿基諾三世起碼冇開槍,但曾特首種種『款待』都是自己享受!」這位街坊認為,用皇帝來形容曾特首更為貼切,「以前啲皇帝,要民女,就喺民間徵集;要珍品,就要商賈進貢,同家陣要樓有樓,要酒有酒唔係一樣咩?」
「你哋咁講就唔啱喇!」以為有街坊持不同意見,怎料隨即補上一句:「人哋話佢係和珅同陳水扁咪仲貼切!」眾人異口同聲:「咁又係!」
在街坊的眼中,阿基諾三世、皇帝、和珅、陳水扁是同一類人!那五年後、十年後,甚至往後的歷史上,曾蔭權又屬於哪一類呢?

周一至五刊登

回首頁      列印

 

/60



C觀點

中原城市領先指數

廚神

旅遊