2016年12月16日

 

糧草先行 - 士兵
土耳其風情

2011年12月29日
  • 1.土耳其香腸$60─香腸布滿香料,非常惹味,是啤酒的好朋友。

  • 2.牙簽羊肉$58─羊肉細細粒一口一支,有羶味,輕輕炸過夠晒香口,好吃。

  • 3.雞心豆蓉烤餅$50─烤餅OK,可惜豆蓉淡而無味,相當失望。

  • 4.海鮮中東麵$140─麵條造型似長通粉,咬落煙韌卻又很索汁,條條充滿濃濃Cream Cheese,非常好吃,海鮮做了配角,下次必定要試羊肉中東麵。

  • 5.Efes啤酒$50─酒精度略高,以為會較苦澀,竟然清新可口,喝得過。

  • 6.牛肉串$60、雞肉串$55─平平無奇的一碟,孜然粉再次成為牛肉殺手。

  • 7.煙魚沙律$70─魚肉結實帶鹹味,加上香料檸檬汁,作為前菜夠晒醒胃。

  • 8.烤肉土耳其包 $55─相當飽肚之物,乳酪是靈魂,就好像熱狗與芥辣一樣,缺一不可。

   

 

飲少啲飲好啲是我近年的心態,早年有段時期諾士佛台的BB's Bistro(已結業)是我常去喝紅酒的地方,不過人大了,始終Quota有限,已極少出去蒲酒吧狂劈,去喝天光就更加少之又少,除了吃!我還是會到諾士佛台,因這裏有些餐廳確實不俗。
一向對集團式經營的食店無甚好感,但這個「K」字頭的飲食集團卻令我放低成見,因他做的是多國菜,甚麼國家都有,德西土俄韓日泰越新疆四川……而且風味十足,啱晒貪新鮮的香港人。這個「K」除了盤踞諾士佛台,在同區的德國餐廳亦長期爆場,最近更伸展到元朗開分店,港九新界總有一間喺左近,所以「K」爆紅是有原因的,而最近印象較深的是這間土耳其餐廳「瑪哈巴」。
餐廳大門裝修布局很有中東Feel,當然設有露天座位,方便客人可以放肆地大抽阿拉伯水煙;而晚上每隔一段時間,就有女Dancer大跳肚皮舞,加上店內播放的中東音樂,氣氛非常熱鬧,真的有如置身土耳其一樣。至於土耳其菜,老老實實我唔識,只知道原為突厥人分支的國家,食物味道或多或少與新疆有點關係,所以羊、乳酪和孜然粉等香料一定唔少得,幸好大部分食物味道對辦,其中一碟中東粉實在驚喜,令我有再來一客的衝動,作為主題餐廳及格有餘。來這裏喝一杯,抽抽水煙,看看肚皮舞鬆一鬆,消除工作壓力實在一流,難怪經常爆場。

瑪哈巴:尖沙咀諾士佛台12號耀邦大廈地下

 

饞咀,成日想食好嘢,卻一星期食足五日外賣飯盒嘅死肥仔。
電郵:springkwok@ am730.com.hk

回首頁      列印

 

/44



C觀點

中原城市領先指數

廚神

旅遊