2016年12月16日

 

糧草先行 - 士兵
向孜然說再見

2011年10月21日
  • 澳洲羊鞍架

  • 懷舊肉鬆豬油撈飯

  • 明太子虎蝦

  • 蒜香蟶子

  • 鵝肝多士

  • 皇鳳雞燉翅

  • 蜜味雞翼

  • 皇鳳─灣仔聖佛蘭士街9-11號寶豐大廈地下

   

 

要數近年在香港最具人氣的食肆,燒烤店必佔一席位,每個食肆區必有一間喺左近(就連麵屋一平安也加插串燒環節以招徠生意,可見其氾濫程度),可惜有水準的寥寥可數,而大部分不是日式便是重慶,獨沽兩味鹽+孜然粉,後者我是極討厭的,因那些燒烤店完全濫用,無論吃甚麼也只得一種孜然味道,把食物本身鮮味完全掩蓋,就算不新鮮也可瞞天過海,可悲!
最近在灣仔聖佛蘭士街又有燒烤生力軍「皇鳳」加入戰團,打正「港式」燒烤旗號,店子走懷舊路線,裝修骨子,門口布置古舊,那些枱凳的年紀相信做得你阿爺;食物方面大致分為頭盤、海鮮、蔬菜、肉類及特別推介等等,當然每樣也點了一些,蟶子即叫即開、大蝦新鮮、鵝肝件頭夠晒大、肉類醃料味道剛好、材料十足的雞燉翅………而最感動的,是一碗懷舊肉鬆豬油撈飯,每口飯也喚起兒時之味,令我這個在家煮餸也用豬油的豬油癡也感動起來!不健康?我呸!這才是真正的港式味道,所以在這裡不會見到大量日式燒烤醬汁同孜然粉的蹤影,完全是硬橋硬馬真功夫!找來負責人閒聊一會,原來前有骨氣老闆娘亦係負責人之一,所以對食物質素要求甚高,各位係時候向孜然說再見,重投食物真味的懷抱。
皇鳳!我一定會再來!
 

澳洲羊鞍架$88─夠肥又夠厚,膏位帶點羶香,充滿肉汁,啖啖肉,落手揸住食夠晒Raw。
明太子虎蝦$時價─夠大隻,肉質爽彈,明太子鋪滿成隻蝦,味道出奇地好,要Encore!
蒜香蟶子$時價─肉質爽脆鮮甜無比,蒜蓉味道比例恰到好處,再加些蔥花,夠港式!
鵝肝多士$68─坊間賣的鵝肝Size又窄又薄,而這裡就大大件,入口份量十足兼燒得夠脆,一啖食唔晒,最好切開一半。
皇鳳雞燉翅$168─打開蓋香氣十足,一股清香撲鼻而來,除了翅,還有瘦肉、雞肉及金華火腿等慢慢燉,難怪湯味清甜有緻,招牌菜!
蜜味雞翼$28─非常出色的一味,隻隻燒得外皮脆卜卜,蜜糖味滲滿雞皮還帶點燶邊,咬落去肉汁四濺,廚師真係有點功夫。
懷舊肉鬆豬油撈飯$25─豬油撈飯改良版2.0,除咗豉油豬油的醬汁,還放上肉鬆香蔥,食落更有層次感,味道更豐富,實在一絕。(醬汁可添加)

其餘推介:合鴨煮、辣味豬頸肉、燒鱔、鯛魚湯烏冬、芝士年糕、雪葩也是必吃Item!
溫馨提示:皇鳳的Manager係前Sun Boy'z靚仔成員麥子豪,所以特別多明星幫襯,食物好味又有明星睇,去邊度搵?

皇鳳─灣仔聖佛蘭士街9-11號寶豐大廈地下
 

士兵
饞咀,成日想食好嘢,卻一星期食足五日外賣飯盒嘅死肥仔。
電郵:springkwok@ am730.com.hk

回首頁      列印

 

/64



C觀點

中原城市領先指數

廚神

旅遊