打工仔的我，幾經辛苦完成一星期工作，實在要食餐好的減減壓，可是找間符合心水的餐廳並不容易，條件有三個：1.中菜免問(皆因食足五日飯盒，見到芡汁+豉油就想嘔)。2.餐廳食材要新鮮為主(皆因食足五日飯盒，見到啲雪藏豬牛雞扒就想嘔)3.免開瓶費。同事T小姐強力推介灣仔 La Fleur，完全合晒尺寸，即去。
這家小店，白牆油畫木枱木椅紅地板，帶點法式風情，餐牌簡簡單單三四十道菜式，大部分材料選用法國貨，老闆兼大廚邊哥亦相當好客，這夜所有菜式交由他發辦，像沙律的冰菜及無花果，也給我們試吃數棵，邊哥見我們自攜餐酒，開始談酒經，他對法國酒的認知，就像一本活字典，說波爾多我還勉強跟得上，一談布根地便立即投降，發音準確背誦如流，直情流利過廣東話，所有地理位置瞭如指掌，有機會一定再請教；店內食客談笑風生，不會太拘謹，輕輕鬆鬆的一餐，味道滿意，就是我的Happy Friday。

蒜片欖油炒意大利麵$105─看似簡單，其實極難煮得好的一碟，意粉al dente，而且每條都掛滿橄欖油兼帶點蒜香，蒜片脆口不苦不過燶，加上辣椒絲，更添惹味，吃得出大廚的功夫，厲害。
西班牙黑毛豬火腿5J $380─有幾矜貴不用多說，每片都肥瘦相間，肥位入口即溶，全無油膩感，一食上癮，頭盤小吃不二之選。
1.法國冰菜無花果沙律$120─長於法國的冰菜(Ficoide glaciale)，每片小葉布滿凝固的水點，入口非常新鮮，清甜卻滲出鹹味，加上超甜的法國無花果，這碟沙律一吃愛上。
2.法國鵪鶉配香煎鵝肝$230─鵝肝外層夠脆，鵪鶉醃得入味兼肉質嫩滑，同時放進口中，味道層次感十足，main course首選。
海鮮拼盤
A.南非生蠔/38pc─海水味十足，鮮甜爽口，帶點礦物味，價錢贏晒！
B.愛爾蘭gigas 38/pc─海水味較淡，少鹹，肉身帶甜，礦物味一般，無南非咁好食。
C.法國Belon OOOO 88/pc─蠔中之王，入口爽滑+重金屬+餘韻悠長+回味帶甜，實在複雜，食完即刻encore。
D.美國珍珠/38pc─算creamy，質素ok的，可惜給其餘三位比下去。
E.Cherry stone Clams38/pc─入口微腥，算爽，要加醬汁，不是我杯茶。

La Fleur：灣仔進教圍16號地下(聖佛蘭士街入)

同場加映：有餚自然有酒，波爾多飲得多，係時候向布根地交學費，作為布根地初哥，是日買了Philippe Pacalet Gevrey Chambertin 2006，wine maker主張有機種植，而風格偏向女性化，較陰柔，香氣清新，入口果味及酸度適中，極輕的單寧及木桶味，不複雜，簡單又易handle，各方面都很平衡，日常飲用一流，布根地入門之選。
(查詢：Ponti wine)

士兵
饞咀，成日想食好嘢，卻一星期食足五日外賣飯盒嘅死肥仔。
電郵：[email protected] am730.com.hk