2016年12月16日

 

糧草先行 - 士兵
新不如舊

2011年09月02日
  • 蛋黄肉

  • 三杯雞

  • 辣子雞

  • 台式三拼

  • 炒A菜

  • 台南擔仔麵

  • 台灣燥肉飯

  • 地址:尖沙咀金巴利道25號長利商業大廈1至2樓

  • 好食的話需要這樣留住客人嗎?

   

 

我頗念舊,以往吃到好的食肆,也會記在心中,有機會一定再光顧,不過有些卻經不起沙士、金融海嘯所帶來的經濟影響,黯然結業,就像尖沙咀的錦江川菜與台灣圓山。
今次「念舊」目標係圓山,先講故事:台灣菜在香港受歡迎程度一向較低,出色的幾隻手指數得晒,來來去去也是欣葉。以前我會到漢口道的圓山,一碟蛋黄小卷、至愛的三杯雞、胡椒蝦、再來杯洛神花茶,每次回想起,令人口水直流,可惜多年前無聲告別,從此少了一個選擇;直至近年牛肉麵興起,紅磡南台灣的加入,加上圓山在尖沙咀捲土重來,台菜一下子好像熱鬧起來。
新店位於美麗華附近,位置較以前就腳,因天氣熱,坐下即柯打洛神花茶解渴,兼加個柯仔煎解思鄉之情,殊不知侍應答案係:「我哋冇賣呢啲,柯仔賣晒。」同枱老友junkfood之霸和我露出極度失望表情;餸菜陸續上桌,冷盤味道麻麻,其餘味道一般,蛋黄肉是最好吃的一碟,唯獨是一味三杯雞,雖然是煲仔上,熱辣辣出晒煙,卻嗅不到香氣………詳情請看說明。
今次「念舊」行動失敗,重開的圓山感覺是新不如舊,結帳時還送上幾張優惠券,好食的話需要這樣留住客人嗎?

 

蛋黄肉$78─竟然是全晚最好味一碟,圓柱體造型,肉味濃郁,夾開有大量肉汁溢出,有肥肉有咬口,可送白飯兩碗,但其實等於是鹹蛋蒸肉餅。
三杯雞$98─一向很喜歡吃三杯雞,我重口味吧。三杯是哪三杯?麻油一杯、米酒一杯加醬油一杯,再加九層塔加糖才成,香氣撲鼻,嫩嫩雞件掛滿汁,入口味道複雜………可惜這裏通通沒有,有的是鹹,雞件亦太乾,食完有點涸喉,希望是偶然失手,但蒜頭是OK的。
辣子雞$138─得個樣,唔夠辣,雞件亦係太乾身,亮點竟然係腰果,被junkfood之霸掃個清光。
台式三拼$158─蠔油生腸─碎上要扣分,亦無甚味道;蛋黄小卷─蛋黄香欠奉,外邊的魷魚味道亦淡;鴨舌─只得一個辣字,um......看來只好買包老天祿了。
炒A菜$68─以蒜蓉來炒,爽脆鮮甜,簡簡單單的一道炒菜,好吃。
台南擔仔麵$18─心中最好的只有度小月,拿來比較不太公平,BTW,麵條還算彈Q的。
台灣燥肉飯$18─圓山做的豬肉似乎不錯,這個肉燥夠晒味,一少撮可送幾口飯,有思鄉病的必吃。

 

地址:尖沙咀金巴利道25號長利商業大廈1至2樓

 

士兵
饞咀,成日想食好嘢,卻一星期食足五日外賣飯盒嘅死肥仔。
電郵:springkwok@ am730.com.hk

回首頁      列印

 

/80



C觀點

中原城市領先指數

廚神

旅遊