依話直說 - 依雯
米希達利恩展現真功夫
2016年12月13日
曼聯結束聯賽3連和，終於贏番場喇！雖然只係小勝1比0，但係起碼止一止血先呀！今場米希達利恩延續入球氣勢再下一城，接應安達靴里拉嘅直線傳送，成功突破越位，喺兩名後衛身邊依然好冷靜咁勁射網頂，攻入加盟曼聯後嘅首個英超入球。上場歐霸盃已經見識過佢嘅單刀把握力，所以今場摩連奴繼續俾佢踢正選，結果冇令人失望。利落嘅推進，控制皮球嘅準繩度，「阿美尼亞球王」終於展現真功夫，最初8次上陣都冇入球冇助攻，但對上4場就有兩個入球同兩次助攻。可惜佢喺比賽末段被丹尼路斯從後踢傷足踝而退下火線，需要休養兩場，希望拆禮物日對新特蘭，佢可以上陣再建功啦！
列印
