2016年12月16日

 

墨寶 - 陳偉霖
真係開心都嚟唔切呀

2016年12月12日
   

 

梁振英宣布不會競逐連任下一屆特首,很多人說「真係開心都嚟唔切呀!」「抵佢啦!佢都有今日!」無錯,對香港人及香港來說都是一件必須要發生的事情,今天我們終於恨到,終於等到,但不是我們成功爭取返來的。第一任特首董建華「腳痛」下台,勉強也可以跟自己說這是我們上街得來的成果。但今次呢?由梁振英未宣誓就任開始,已不斷聽到要他下台的聲音,這四年多,我們試過發起簽名運動、遊行、上街、投票甚至佔領街道等等,幾乎每天都聽到他要求下台的聲音,但當權者不單沒有將我們訴求放在眼內,相反更變本加厲,更放肆任意破壞香港政治體制。
我們不斷努力爭取,但從來沒有因為我們的付出而直接實現我們想要的結果,因為我們從來都沒有權去參選特首,從來都沒有權去提名特首,從來都沒有權去選特首,從來都沒有權去彈劾特首。
你以為香港係你屋企,而家在位嘅呢位管家失職,所以你想辦法搵另一個管家幫你打理香港。但實情係香港係一所監獄,你以為你自己係主人,但實情你係監獄裡面的犯人,係因為自己放棄主人身份,自願變為階下囚,將屋企變成監獄,再將監獄拱手相讓。再者,而家有個獄卒話完咗合約就唔撈(至於實情係佢唔撈定係無得撈你永遠都唔知道,因為你只係一名犯人),就算幾多人想應徵獄卒呢個職位,亦唔輪到你呢個犯人去選另一位獄卒。就算俾你選,你都只係選緊一名獄卒,而唔係香港嘅管家。
而家個獄卒話唔續約你都咁開心,你估香港仲會唔會有一日能夠變番做你屋企,而你又能夠變番做屋企嘅主人? 天生與皮膚癌同生共死,生前已寫好遺書,辦好葬禮,深信擁抱死亡才能活在當下。williamoutcast@gmail.com/周一刊登

回首頁      列印

 

/64



C觀點

中原城市領先指數

廚神

旅遊