2016年12月16日

 

生活情尋 - 馮俊鍵
堅.離地城

2016年12月09日
   

 

小河彎彎向南流,流到香江去看一看。東方之珠我的愛人,你的風采是否浪漫依然……
 

小島人呀!小島人呀!西港島線終於通到堅尼地城。那份古舊的風味,隨着海味蝦乾陣陣吹來我的面上。仲夏時分,暖風和身,商業大廈和空調巴士噴出的熱氣彼此呼喚,盡見都市中的海市蜃樓。年老長輩不勝衣食,瀟灑風流橋下作宿。紙皮為伴一盡綿力,金屬換來麵包充飢。人來人往低頭一族,西裝領帶滴風不出,高踭OL面上批蕩。放學補習豐富功課,跆拳鋼琴含淚苦學。不同年齡生活充實,睡眠不足那又何妨。
 

虛假的美麗繁華
幾十層高的屏風樓宇,加上玻璃幕牆反晒光咁四季保護城內居民。逛街暢遊莫見有新發現,淡然舊建築物亦冇得懷緬。拆毁興建,撥款追加。想娛樂聽歌睇番場戲,可惜十套八套欠缺廣東話。整容豐胸廣告成行成街,補習貸款美白伴隨。小島居民的喜好和價值觀,甚至一般生活習慣都被大財團操控,抬完價再特價去掃貨以為有得慳。
諗住小店食個Tea,難敵加租不見了,唯有於同舖的連鎖快餐店,透過免費Wi-Fi作網上哀悼。算吧,唔食嘢去就去行個圈先,點知多個新落成的屋邨和屋苑,同區得一個大公園,想晨運或運動要先考慮交通配套。唔郁坐下都好,可惜商場內的長凳寥寥可數,長情長者無懼超現實的冷氣,往往由天光坐到下晝。
 

剝削的啞忍文化
人人都想安居樂業,可惜唔係外判合約就係長期老散,再唔係就假自僱自己做老闆。無限OT有汗出冇糧出,每日10個鐘看作等閑。就算有能力供樓,供斷都仲要持續定期夾錢去以天價維修。遇着業主立案法團違法圍標,蒐集證據要抽絲剝繭,公餘熟讀法律程序,現實生活學海無涯。新建樓盤Size如大學宿舍,怪不得舊區唐樓一屋可以三十伙非同姓選民。相關部門的調查確有效率,有人投訴但可以冇下文。
講開小島住屋,不斷填海建山。於郊野公園附近和新填出的海岸,配合摩天輪和豪宅。而新建成的泥頭山,加固之後又可以作綠化,鼓勵鄰近居民運動行山。居民生活電器化,家家在室內晾衫。由「樓、大廈」等平實字眼,到「居、豪園」等誇張豪華,住屋之餘亦可以學好外語,樓盤名字之獨見及艱深,足見如凱旋門的非凡,有英文、日文甚至西班牙文,䨇玥珒畋等盡見僻字、嵐岸迎海如海迎戇……
 

扭曲的城市童話
樓價和物價都飆升,小島居民不自覺地投身於金錢遊戲。孝順仔唔肯去做,觀音兵被收裙下。再唔係去投身金融,嗰行個個都被叫作才俊。慳水慳電但交通費係咁加,全球油價大幅回落唯小島冇減。每逢假日幫黨出聲收錢去「撐恤髮」遊行,好在本土日薪六百境外人半價。勝在有專車接送,和一餐午飯。
由「獅子山下」到「香港始終有你」,堅尼地城已由殖民地風味的Kennedy Town,變成極具本土特色的風雅……月兒彎彎的海港,夜色深深燈火閃亮。東方之珠整夜未眠,守著滄海桑田變幻的諾言……


馮俊鍵
興趣多而尋究底,愛藏物並擁思人。七十後,舊情尋。電郵:70funs@gmail.com
 

回首頁      列印

 

/160



C觀點

中原城市領先指數

廚神

旅遊