2016年12月16日

 

慾女 - 慾女
泰過分

2016年12月09日
   

 

作為半個泰妹,無時無刻都掛住家鄉,無奈年尾又放晒啲annual leave,想飛下又唔得(你話公司可以俾多幾日annual 幾好呢可?)只好一星期落一次九龍城或Greyhound(極忠實fans)一解思鄉愁緒。

長腿奄尖作狀公關男神毛先生介紹我去石水渠街Samsen食泰菜,即搵番份新聞稿一望,喂!唔平喎!一個船河成嚿水喎!而且石水渠街個位好吊腳,拖拖下終於兩個星期前某日放工先過去試。叫咗個雞肉炒河、和牛船河、青芒果沙律同炸魚皮,整埋杯泰式奶茶加咖啡(我認我大食),不得了!炒河好夠鑊氣,而且調味出色,香濃甜辣齊晒,非常惹味!我亦從未食過蝦乾多過青芒果嘅沙律,喂!大方到咁嘅!至於和牛船河雖然未做到正宗泰式風味,但合格有餘,解到鄉愁!值得翻啅程度有5粒星,一星期翻啅咗兩次!

Btw,所謂半泰妹,只係我鍾意泰國鍾意到當正自己家鄉一樣而已,實情是HBH(Hong Kongese born Hong Kong)哈!但我確實係娘親當年去泰國度蜜月嗰陣製造出嚟嘅,唔多唔少有啲關係啩?

廣告時間:話說小妹開咗個page,得閒同大家分享下飲飲食食,真食評,伏嘢唔介紹,唔使擔心!得閒又會送下禮物同大家打好關係,抵like啦喂!搵食艱難,拍硬檔幫幫手啦!

回首頁      列印

 

/160



C觀點

中原城市領先指數

廚神

旅遊