事必低頭 - 土下座
Pokémon偷跑醜聞
2016年11月24日
最近行內一單大新聞，唔止賣game行家講，連記者朋友都提起過，就係本定於本月18日發售嘅3DS遊戲《Pokémon Sun/Moon》「偷跑」推出，早咗成個禮拜，由於隻game向來有好友對戰系統，愈早玩當然愈著數。不過，偷跑發售其實唔算咩大新聞，香港更加係慣例，愈係受注目嘅game就愈會偷跑，點解偏偏今次又會成為行內大新聞？原來，係因為有個早一步玩到嘅大陸玩家，竟然走去遊戲製作人增田順一嘅Twitter度「挑機」，問佢有咩感覺，最弊係呢位玩家玩嘅唔係偷跑正版，而係老翻破解版，增田見到當然嬲到震啦！土下座聽聞件事已影響到香港部分批發同game舖，同時亦block咗唔少偷跑玩家。今時唔同往日，玩翻版玩到去挑製作人機，認真有創意呀！
列印
