2016年12月16日

 

足智攻略 - 波神
[東南亞足球標賽]菲律賓唔會再遇「大巴」陣

2016年11月22日
   

 

英超摩連奴怕「大巴」陣,估唔到喺東南亞足球錦標賽首天嘅主隊菲律賓,都遇到同樣煩惱;不過今晚對住「未完全解凍」嘅印尼,可以信多主隊一次。
睇過A組首輪兩場直播後,主隊「流浪犬」無疑令人有啲失望;首先以為現場有大量主隊嘅捧場客,結果埋單計唔夠5千觀眾,氣氛略遜主場威力會減。場地方面,頭場泰國輕描淡寫大炒印尼時,雨勢已越落越密;結果尾場、多用地面進攻嘅主隊,遇上較爛嘅場地,兼對手早段因有球員動粗被逐,轉踢「大巴」陣下,進攻陷於困局。「流浪犬」全場錄得20次攻門5次中框,但嚴格講,成場波最搶鏡只喺有德國血統嘅17號仔舒洛克。
不過既然賽事中出現多項變數,可以多給菲律賓一次機會。一來信佢哋教練杜利調陣果敢,上仗半場已換入嘅邁基沙,幾乎喺補時絕殺對手立大功;二來「東南錦」一向大利主隊,過去3屆6支主隊,只有上屆嘅新加坡喺分組賽出局;主隊近3屆計,分組賽勝率高逾7成。
最重要,睇過印尼後衛上仗對泰國,好客氣咁不斷向對手狂送禮,相信同佢哋近年少踢國際賽,未完全「解凍」有關;既然客軍後防唔穩,但前面又有個好搶眼嘅7號仔兼隊長蘇路沙,呢場波,博菲律賓主勝開齋之餘,大手交易亦可以預見。


 貼士表
星期二2 主客和 菲律賓勝(1.65)


個人簡介
資深體育傳媒人,曾任《蘋果日報》體育版主管十多年,擅於賽前搜集各大小球賽軍情,結合賠率分析及比賽數據,為球迷提供另一睇波視野。

回首頁      列印

 

/56



C觀點

中原城市領先指數

廚神

旅遊