2016年12月16日

 

咖啡雪糕佬 - 林卓廷
啲錢,你畀定我畀?

2016年11月22日
   

 

在乜乜花園的花園內,出現諷刺的一幕,不是市民質問民意代表,而是民意代表揸咪質問市民。
六尺四:「上次業主大會無出席嘅,請舉手!」幾百隻手老老實實地舉起來。
「你哋點解唔開會?係咪去咗賭馬仔?打麻雀?定係去咗行街街……?」六尺四嚴肅的詰問,加上大聲公,令乜乜花園出現回音,街坊更顯得沉默。
六尺四:「各位街坊,你哋成四千戶,上次大會得百幾個業主出席,我問大家,乜乜花園係林卓廷嘅,定係你哋嘅?」
街坊開始抬起頭,眼睛發亮:「我,哋,嘅!」(好重要嘅停頓,所以要加逗號)
六尺四:「咁通過咗天價維修,啲錢係你畀定我畀?」
街坊:「我畀!」眼中出現一團火,一團怒火!
六尺四:「咁下次開會,你去定我去?」
街坊堅定地:「我去!」
六尺四:「錯!係一齊去!我一定陪大家一齊去,睇實個屋苑!」
街坊眼中重燃希望。
 
三年前,我揭破圍標黑幕,成立反圍標大聯盟,一再踢爆和推翻天價工程,令社會開始關注圍標問題。然而,不少業主仍然對屋苑事務漠不關心,往往到最後關頭,甚至收到數以十萬元計的維修帳單,方知大鑊,找我們求助。
面對圍標問題,政府一直軟手軟腳,部門各自為政,小業主仍然水深火熱。反圍標,不應單靠小業主,不能單靠反圍標大聯盟,我們不能任由政府繼續疏於監管!不能任由圍標集團繼續作惡!為打擊圍標貪腐,捍衛市民權益,請出席「反圍標大遊行」,下周日11月27日下午2時半,由中環皇后像廣場遊行至政府總部,向政府發出小業主的怒吼!立法會議員

回首頁      列印

 

/56



C觀點

中原城市領先指數

廚神

旅遊