足球男 - 阿鵬
飛腳可小勝心跳
2016年11月09日
今日上演3場日本天皇盃第四圈賽事，其中大阪飛腳主場對清水心跳戲碼十足。
早前飛腳喺聯賽盃決賽戰至互射12碼，最終以4比5不敵浦和紅鑽飲恨，今季唯一奪標希望，就落喺日本盃身上。佢哋近況有回勇跡象，繼主場3比1擊敗新潟天鵝，上仗作客更喺落後兩球下以3比2反勝川崎前鋒，艾迪美臣、井手口陽介及遠藤保仁等均有不俗表現。
清水心跳近況相當強勁，聯賽連贏7場，最終取得乙組第三名，需要進行附加賽，有望重返日職。一對箭頭鄭大世及大前元紀狀態大勇，兩人喺聯賽合共攻入43球，前者更成為日乙神射手第一位，亦係日乙入球最多嘅球隊。對賽方面，心跳近6次到訪飛腳，錄得1勝2和3負，略為輸蝕。兩隊始終級數有別，加上心跳要踢附加賽，難免分心，預料飛腳可小勝晉級。
列印
