2016年12月16日

 

飲食事典 - 阿鼻
你當我甚麼?

2016年11月04日
   

 

男人最常覺得煩到爆的女人問題,頭三位相信不離「你係咪唔愛我喇?」、「嗰個女人邊個嚟㗎?!」和「你當我係乜嘢?」
而女人,不要以為第三個問題最沒殺傷力;因為,或者有天他會這樣答:罐頭刀。
時間回到9月上旬,英格蘭東北部泰恩威爾郡,有一對已經年屆花甲的同居情侶Anna and Dennis趁周六晚、一起去酒吧飲酒拍拖。酒過了唔知幾多巡,二人醉醺醺的回到家裡,Dennis感到肚餓了,逕自走到廚房找嘢食,最後他找到一罐鹹牛肉。
有留意罐頭演化史的朋友都知道,市售的大部分鹹牛肉罐頭,絕大部分仍然是採用最舊式的、要用「鎖匙」來開的罐頭包裝(圖)。一個正常人去開已經會搞到雞手鴨腳了,何況是個飲完酒、而且是飲咗8 pint啤酒的人呢?Dennis被鹹牛肉搞得死去活來,甚至在廚房嚎叫、跺地,十聲向Anna求救,Anna呢?卻選擇「當聽唔到」,坐在梳化上背著廚房看電視。
弄了一輪,仍然未搞掂的Dennis在怒火焚身下靈光一閃:「呢個女人可唔可以當罐頭刀用?」便二話不說把罐頭大力扔到Anna頭上。
頭果然打開了——不是鹹牛肉罐頭,而是Anna的頭。被扑穿的Anna頭爸爸聲流血,她自行call白車,Dennis卻自顧自上床瞓覺。
最後他雖被判入獄14個月,但已得到女友原諒,不知他出獄當日,會不會筵開百罐鹹牛肉洗洗霉氣?

阿鼻~微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like

回首頁      列印

 

/108



C觀點

中原城市領先指數

廚神

旅遊