2016年12月16日

 

糧草先行 - 士兵
北海道的米芝蓮 美瑛選果

2016年11月04日
  • 相關片段今天上載《am730》Facebook專頁。

  • 選果市場

  • 美瑛米あさひ娘ななつぼし。2214円

  • 田園沙律

  • 法式薯蓉湯

  • 燉煮洋蔥

  • 北海道產牛面頰

   

 

以往去北海道,多數都係冬季去留壽都二世古滑雪,因為呢度粉雪出晒名,滑完最多留一兩日札幌,再玩盡啲就抽時間走一趟余市或小樽,未能完全感受北海道。所以今年秋天用了十天時間去道東覓食,發現這裡的農產品及海鮮,美味程度簡直超乎想像!
 
而我第一站,就係離札幌兩個零鐘頭車程嘅美瑛選果,cube形嘅設計加上落地玻璃,喺美瑛市嚟講非常顯眼,所以近年開始變成知名景點;而呢度主要分為兩部分,一邊係餐廳一邊係商店,商店「選果市場」主要售賣美瑛農產品,有男爵薯仔、金時豆、黑大豆、蜜瓜、洋蔥、南瓜及紅蘿蔔等等蔬果,仲有果汁、零食、米酒、牛奶,而當中最受歡迎嘅,一定係美瑛米,因為係用北海道大雪山十勝岳出產嘅名水種植,加上美瑛日夜溫差大,令米粒的澱粉質含量較高,種出嚟嘅米特別靚,入口香甜。自駕遊嚟到選果市場,不妨買包返去食;如果係坐廉航兼係坐火車的話,就要諗清楚先好買!
 
另一邊就係美芝蓮一星餐廳ASPERGES,食物以美瑛蔬菜為主,午餐價錢由2,600円至4,600円不等,高低分別在於主菜選用材料:最貴嘅set有七道菜,菜式多菜少肉,怕肥嘅女仔食都絕對適合享用,其中一道招牌田園沙律採用超過二十種美瑛時令蔬菜,直情將成個美瑛田園放咗上碟,一次過晒你冷,第度食唔番!而薯蓉湯入口非常幼滑,有奶香之餘亦帶有少少山葵味,3.6牛奶加男爵薯仔真係無敵配搭。主菜就係北海道產牛面頰,係唯一一度以肉為主嘅菜,用紅酒燉到又腍又入味,入口肉香陣陣,可惜portion比較細,男士食就未必夠喉,好彩跟主菜一齊的燉煮洋蔥夠焦夠甜,剛剛好!
美瑛選果,由店舖至餐廳都係用最好的食材及農作物,將美瑛的真味帶給顧客,你會感受到一份堅持;點知返到香港,竟然看到有集團粵菜大廚用雞粉去追尋香港經典之味,仲要拍埋廣告推廣,將化學味隊俾你,你會感受到一份Sorry! 
網址:http://bieisenka.jp/index.html地址:北海道上川郡美瑛町大町2丁目

◆相關片段今天上載《am730》Facebook專頁。◆


士兵~饞咀,成日想食好嘢,卻一星期食足五日外賣飯盒嘅am730死肥仔創作總監。
電郵:springkwok@am730.com.hk

回首頁      列印

 

/108



C觀點

中原城市領先指數

廚神

旅遊