2016年12月16日

 

墨寶 - 陳偉霖
如何跟老師鬥嘴

2016年10月31日
   

 

最近跟一些中學生談論「如何跟老師鬥氣」這話題,估唔到現在在學校談論「港獨」比講粗口更容易激到老師扎扎跳:「其實喺學校裡面,同學與同學之間其實無乜人對『港獨』呢啲話題有興趣,講吓打機仲好啦。不過咁,我哋有時都會故意喺老師面前大聲講『香港獨立』呢啲話題去激吓佢哋,因為老師每次聽到我哋講都會好大反應,而且『港獨』呢兩個字又唔係粗口,無犯校規之餘又可以玩吓佢哋但又唔會俾佢哋記過,除咗鬧我哋兩句之外根本奈我哋唔何。」
他們還說雖然很想羞辱老師,但有時亦會被老師問到口啞啞,例如老師會問「甚麼是獨立?」「你說香港要獨立,咁你覺得邊個做總統最佳人選?唔通係你呀?」「你自己都未學懂獨立,書都未讀好憑咩講香港獨立?唔該讀好啲書先再講啦,最碼你中英文合格吖!」等等,所以他們有時為了跟老師鬥嘴,空閒時會做資料搜集,例如自己會先假定香港獨立是可行的,然後把一些有利香港獨立的資料記低,例如東江水貴馬拉水263倍,收緊移民政策等等,好讓自己可以挑戰老師權威。當然,另一廂老師原來也默默地做功課慎防他們的挑戰。
他們更坦言,之前本來純粹以為老師覺我港獨比粗口更難聽,亦知道學校表明禁談港獨,所以故意在老師面前有意無意間表示會組織獨立學會,目的唔係想搞港獨,只為令老師尷尬。但在這個「鬥氣」的過程中,他們開始慢慢了解香港現今狀況,還覺得香港要自己獨立係其中一條可行的出路。最重要的是他們覺得在學校談港獨比講粗口更容易觸動老師神經。
中共及香港政府常強制學校禁談港獨,學校及教職員都跟從了,但有用嗎?
天生與皮膚癌同生共死,生前已寫好遺書,辦好葬禮,深信擁抱死亡才能活在當下。williamoutcast@gmail.com/周一刊登

回首頁      列印

 

/48



C觀點

中原城市領先指數

廚神

旅遊