2016年12月16日

 

飛躝(血淚)史 - 飛女
錢,全部都係錢

2016年10月21日
   

 

行家常問我倆:「做乜咁少去event嘅?」老實講,埋首工作已夠忙,要去勻大大小小的產品或公司搞的發布會、記招、午餐晚餐等宴會,一天四十八小時都不夠用。最近有位朋友話帶我一起出席某些活動,我答:「唔好囉,都冇收到邀請,你收到咩?」他竟然答:「無喎,嘻嘻,多一個半個人啫,佢哋(主辦單位)冇計嘅……」怎會「冇計」呢?更是「錢,全部都係錢」!幾個月前,我倆跟幾個朋友接了一個籌辦公司週年活動的project,很少涉足這類工作的我,在幫手打電話問租場地價錢的時候,方知甚麼是「尺金寸土」(絕對沒寫錯)和「時間就是金錢」。四、五星級酒店以及一些有維港景緻的ballroom、宴會場地,不足半天的租用費都要接近十萬,再加上餐飲費,就算是「行行企企」的cocktail menu都每人至少要四、五百元,一些國際級品牌酒店的酒水費更可能「另上」!計計埋埋一個cocktail party每個人的使費少不了一千大洋,這條數還未計送出的禮品、因搭建和拆卸舞台布景所花時間的額外場租、司儀、大會攝影,audio visual和舞台工程等林林總總的使費。拍檔提醒我:「場主還會數人數,至少收多二、三百……per head喎!」所以,為免令人家添煩添亂,怕成為PR們眼中的不速之客,我還是婉拒這位「event crusher」的好意了。

一男一女兩個資深副刊記者,N年前一齊下海撈散,從此不想再受公司制度束縛。

回首頁      列印

 

/56



C觀點

中原城市領先指數

廚神

旅遊