2016年12月16日

 

飲食事典 - 阿鼻
牛扒撐體育

2016年10月14日
   

 

撫心自問,你最喜歡的頭三件事情是甚麼?每個人的答案一定相差無幾:第一是免費,第二是特價,第三是折扣。
而你也同時知道,免費嘢多數出事、折扣嘢就快過期。例如,免費搭地鐵一定好著數吧?明明沒有出街的需要,人人卻都因為唔使錢而湧著去坐地鐵,每個人所佔到的車廂空間驟少、金鐘站等50班車都上唔到車。
不過有時候,折扣真的會天跌落嚟,而且真的著數。上星期六,NCAAF美式足球聯盟上演Big Ten東區大戰,榜首的密芝根狼人主場招呼榜尾的羅格斯紅騎士。當地一家Ruth’s Chris為了支持體育,在戰前於FB專頁推出超級優惠:狼人贏幾多分、我哋就減幾多%!贏3分便全單平3%、贏10分便平10%如此類推,減足一個禮拜。
優惠正式出街前,經理猶豫了一下,畢竟是榜首對榜尾啊!便決定多加一項條款:上限50%。
經理果然是經理,一個決定挽救了全間扒房:因為狼人最後贏78比0,咁啱得咁橋是自1939年以來最大的比分差距。需知道美式足球雖然比分會很大,然而也會有0比0的時候。好日唔做特價,一做特價球隊便踢出歷史,扒房經理舒一口氣之餘,也表示球季餘下時間每逢狼人的比賽日、都會做這個「比分大酬賓」。
被問到是否為了整蠱Ruth’s Chris所以狂數對手,狼人領隊阿Jim當然否認,賽後也專程到Ruth’s Chris享用50% off的牛扒,但他飲的不是啤酒而是牛奶──因為半價不適用於酒類。


微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like

回首頁      列印

 

/100



C觀點

中原城市領先指數

廚神

旅遊