2016年12月16日

 

FOOD‧JOY‧LIFE - Mandy Wong
食多啲,食少啲

2016年10月14日
   

 

從我當營養師以來,經常性被問到要「食多啲」的問題。
「我想減肥呀,要食多啲咩呀?」
「我要增肌肉,應該要食多啲咩呀?」
「我想吸收多啲鈣,預防骨骼疏鬆,應該食多啲咩呀?」
其實,想改善身形及健康,不應只偏重「食多啲」的問題,「食少啲」的問題同樣重要。
流行中的果汁排毒療程,傳聞可以一星期瘦5磅。有朋友仔試了,體重不跌反升,問個究竟。原來飲食中仍然毫無節制,療程期間反而每天多「飲」上高達20茶匙以上的果糖,體重當然不會因為「飲多啲」而有下降。
另一邊廂,有朋友骨質密度偏低,所以日日吃下鈣片,希望改善骨質問題。但經過一年,情況沒有怎樣改變。原來,仍然餐餐喜歡大魚大肉,早午都愛喝特濃咖啡,平時又無做運動。
這過量地攝取動物蛋白質及咖啡因的飲食習慣,就已經可以是鈣質流失的主因。加上缺乏負重運動,骨骼密度亦會減低。所以,若不在飲食及生活上作出改變,骨質密度的問題亦不會有改善。
在物質富裕的社會,我們或許習慣了要「得到」,甚至乎會有「愈多愈好」的心態,經常以為「多吃」、「多補充」,就會身體健康。但其實有時要做的,反而可以好簡單,「減少」就是了。下次與其只問營養師「食多啲」的問題,都可以同時問「食少啲」的問題喔!


畢業於香港大學食物及營養科學 及運動科學,現職營養學家。愛運動、愛自煮、愛分享。
https://www.facebook.com/Nutritionist.Mandy

回首頁      列印

 

/100



C觀點

中原城市領先指數

廚神

旅遊