2016年12月16日

 

金融講ED - 渾水
羅傑斯
點睇人民幣

2016年10月06日
  • 羅傑斯認為人民幣能挑戰美元地位。(資料圖片)

   

 

商品大王羅傑斯(Jim Rogers)表示,人民幣是唯一能夠長期挑戰美元地位的貨幣。他認為,終有一天全球所有人都會使用人民幣。為甚麼我會覺得羅傑斯係手天使?因為我覺得佢好神聖而手天使本身也是神聖的義務工作,因為手天使係要透過一雙手,去幫無能為力的朋友,去解決朋友最逼切、最切身的需要。
如果從一個哲學命題去睇「終有一天全球所有嘅人都會使用人民幣」,呢句係一個近乎套套邏輯(tautology)的恆真命題,因為無可能錯,也無可能被驗證,因為「終有一天」係唔知幾時,可能一萬年、一億年後。正如凱恩斯的名句:「In the long run, we are all dead」到底long run有幾長?無人知。
要處理到底人民幣會唔會挑戰到美元這個問題,首先要處理人民幣的流通性問題。
人民幣是不能在國際間自由兌換,如果要挑戰美元,首要解決這個問題,否則乜都唔使講。
貨幣係交易媒介這個入門概念,係一個普通中學生都明白的道理。美元之所以盛行,係因為有很多美元計價的產品,除了中國本身的內部消費,相對少的貨品、服務輸出要以人民幣計價,因為貿易方都係公認美元係最可靠的貨幣計價單位。至少有這兩個問題,人民幣要先處理掉。
用一些比較「喱民」的講法,貨幣都有「錨」。美元以前是行金本位,黃金就是那個「錨」。至於中國有很大段的人民歷史都係以銀做本位,例如明朝曾經有大明寶鈔,但後期也是用金花銀被民間取代,又剛好在禁海運前,撞正世界殖民地、大航海時代,從西班牙、葡萄牙、荷蘭的船隊輸入了不少白銀流入中國。
現在美元的錨是其國債,就是賭其不爆煲,賭其強大信用,賭其軍事力量。人民幣要取代美金,條路還很遠呢。
中國政府、中國資本家會多謝羅傑斯,因為佢嘅工作係厭惡性,更難得佢係一個外國勢力的代表。
羅傑斯現在收了山,定居新加坡,佢睇中國可能同一個普通旅客睇中國可能相差無幾,因為佢見到的總是最好的一面。就算睇住堆冷冰冰的中國官方數據,也難驗證其真偽。講到尾,由外國人去endorse中國,總係零舍有說服力嘛。  

 
作者為兼職上市公司ED(Executive Director),正職係90後廢青、偽文青
https://www.facebook.com/muddydirtywater
逢周二、四刊出

回首頁      列印

 

/56



C觀點

中原城市領先指數

廚神

旅遊