2016年12月16日

 

墨寶 - 陳偉霖
豪裝公屋

2016年10月03日
   

 

香港人要喺香港有個安樂窩難過登天,用十年時間儲到四五十萬元但仍追不上樓價付不起首期的仍然大有人在。友人最近亦說:「我決定放棄買樓,諗住用呢幾十萬幫阿爸阿媽裝修間公屋,然後會同太太搬返去一齊住,將而家每個月自己係出面租屋住嘅錢儲番起佢。以前5,000蚊大概都租到個兩房一廳,都叫做完完整整一個單位,而家肯俾8,000蚊都只能夠租到二百呎嘅獨立大套房,套房水電仲比獨立單位貴兩三成。明明而家收入比十年前多咗一倍,但點解生活比起十年前卻艱苦咗一倍?」還有他也發現爸爸媽媽的隔籬鄰舍的公屋也在大裝修。
父母嗰一代嘅打工仔,由跟父母上樓住公屋,到自己結婚再申請第二間公屋,只要搵到一份穩定工作就以可以去買居屋甚至私樓。我哋呢一代嘅打工仔,用十年時間肯死慳死抵帶飯返工,儲到錢都未必追到樓價。三十幾歲人左跳槽右秘撈才月入三萬,一萬蚊租屋八千俾家用,自己剩返萬二蚊儲錢食飯搭車。辛苦十年到頭來都要靠父母間公屋過活,用幾十萬豪裝公屋來掩蓋自己罪疚感,起碼親朋戚友問起都無咁難受,證明自己呢十年沒有白過。
公屋係咩?在房屋署的網頁說「公屋是為無法負擔租住私人樓宇的低收入家庭提供公共租住房屋。」但現在卻成為所有無法負擔租住私樓的人的避難所。除了公屋,居屋及私樓的本位都好似完全被打翻。政府常說社會要向上流動,現在本來有機會向上流動的人都只可以住公屋,仲點向上流動?定係又係佢哋未夠努力呢?
天生與皮膚癌同生共死,生前已寫好遺書,辦好葬禮,深信擁抱死亡才能活在當下。
williamoutcast@gmail.com/周一刊登

回首頁      列印

 

/48



C觀點

中原城市領先指數

廚神

旅遊