2016年12月16日

 

飲食事典 - 阿鼻
熟客之道

2016年09月23日
   

 

任何事情都有不二法門,例如要成為一家餐廳的熟客,就只有一個辦法:日日幫襯。
成為熟客,有甚麼好處?招呼好啲、碟飯大碟啲、嘢飲叫少冰少甜真係會少冰少甜、拎外賣盒唔會收多1蚊等等,同樣的價錢,熟客所得的食物質素和服務一定比生客多。
不過,太熟之後,也會有些餐廳恃熟賣熟。我就試過在某間幫襯得熟到爛的茶仔遇上一塊未煮熟仲有血水滴緊的炸雞扒,同老闆講後5分鐘雞扒返嚟,血水是沒有了但明顯是用微波爐叮的,可能他們覺得「都咁熟,你唔會介意嘅」。Sorry,我係好小器的,從此就沒去過了。
Chris和Jason就沒有那麼好彩了。這對居於英格蘭西布朗的死黨,平均一星期會出來吃3次飯,每次都是去一間叫The Interceptor的酒吧餐廳(圖)。本來相安無事,都算係熟客了,直至有一次Chris寫了封信給經理,嚴厲批評餐廳的食物;經理一看,即場就來交涉——卻不是來道歉,而是告訴這對好朋友他們以後只可以來飲嘢:「我哋個廚房真係meet唔到你哋個standard!」據說是因為Chris前科纍纍,經常不滿漢堡扒太燶和薯條太少,令經理忍無可忍,熟客都冇面俾。
Jason其後致電餐廳,表示「喂我個friend投訴咋」,不過同被列入禁令。
我們只可以用成語「躺著也中槍」來總結這件小事。

阿鼻~微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like

回首頁      列印

 

/108



C觀點

中原城市領先指數

廚神

旅遊