2016年12月16日

 

金融講ED - 渾水
政治財經,已踏入素人年代

2016年09月01日
  • 周日為立法會選舉。圖為選舉管理委員會主席馮驊。(資料圖片)

   

 

本來已經離開了街頭,只想一心一意做隻搵搵錢,得過且過的港豬。呢期因為諮詢文件太不合理,所以又要跳出了做港豬的comfort zone,出來蹚這渾水。
金融服務界有自己的個別議題,例如諮詢文件等。尤幸業界一般政治水平不高,所謂大爭議都仲係停留在小圈子籠裡鬥階段,按套路很大機會可以透過協商方式解決。
直選的爭議真係複雜得多,看到各區名單之多,真係頭痛欲裂。我自己當然有自己政治主張,但希望各位有幸睇到本欄的讀者朋友,無論點都好,建制又好、泛民又好,本土都好,請給素人一個機會,盡量考慮一下素人。
素人我都唔知應該點定義,係一種無「政客味」的感覺、新面孔的清新感覺,有幹勁無包袱的感覺,你會明的,只要見到張名單,你會一眼睇得出素人和萬年政客的分別。
華文世界的政治大勢都係講素人政治,隔岸的台灣,柯P輕鬆打垮了政治成分良好的連勝文,就連對上的區議會,傘兵的新面孔,也打垮了不少紮根多年的老區議員。
《天與地》在大台重播,令人想起香港人善忘的經典對白,香港人其實何止善忘,其實也很犬儒。王菀之說討厭政治,明明講出大多數香港人心聲,結果惹來恥笑。
我不至於討厭政治,但政治真係幾令人頭痛。無論當年幾有熱情的政治人,只要走入官僚、走入建制一部分,總會消磨了初衷,由政客變成萬年政客,再淪為政棍。因為官僚要講政治交易、要講妥協,Lord Acton講的權力使人腐化是永恆真理,雖然Acton講的下一句「Great men are almost always bad men」更應景。要清理瘀血,就要新血換舊血。
再睇番回歸後十年的政治運動,年輕人嶄露頭角,論政水平、號召力、媒體關注、影響力都遠超所謂的政治人。
時代興講「拆大台」,所謂政治組織、政黨好似做到有個平台,有靠山的感覺,但去到最後都係靠你自己,「大台」係唔會俾到咩著數你,相反仲要抽乾你。
政治圈如此,財經圈也是如此,大行已經無20年前咁呼風喚雨,袁天凡、鍾楚義、梁伯韜之後仲有出色的ibanker?倒不如靠自己去跑,自己做財經界素人出頭好過吧。
一代新人勝舊人,長江後浪推前浪,請各位給予新面孔、新素人機會。同埋,唔該盡選民責任,星期日飲完茶去投個靚票。 
作者為兼職上市公司ED(Executive Director),正職係90後廢青、偽文青
https://www.facebook.com/muddydirtywater

回首頁      列印

 

/56



C觀點

中原城市領先指數

廚神

旅遊