2016年12月16日

 

墨寶 - 陳偉霖
求學就是求財路

2016年07月11日
   

 

DSE後日放榜,無論平時學業成績好唔好,面對DSE公開考試,文憑試考生都總會擔心自己成績,成績好的會擔心入唔入到自己心儀學科,相對地成績比較差的但有經濟能力的就要考慮繼續找方式升學例如副學士,成績差也沒有經濟能力的就可能要考慮投身社會找工作。但無論成績好唔好,或升唔升學,搵唔搵工,所有考生其實都有著同一個目標,就係搵錢。
愉快學習?學習為興趣?求學不是求分數?這在廿年前已經知道是廢話。學習,就係為咗搵錢;升學,就係為了搵更多嘅錢。搵幾多先足夠?唔知。就連大學教育資助委員會也出一份報告,表面上說明畢業生就業情況,到實際上你我都知道這是用來說明哪一間大學的畢業生較吃香較搵得多錢。除此之外,新聞也常常教你如果賺取第一桶金,如何在三十歲,月入五萬蚊人工等等。
點解整個社會都充斥著錢錢錢?為興趣?為生活?為何生活百物騰貴?為何大部分香港人都在掙扎求存?政府不是有責任提供公民生存的基本條件嗎?對,政府給你機會求學,求分數,就是求出路,求出路最終目的就是讓你求到一條財路,但你的財路夠唔夠你自己生活,政府就唔會知道,就算佢知道都話無嘢可以做。
今天,無論你成績好唔好,你都知道租金唔應該咁貴,發展嘅空間唔應該咁細,政府唔應該咁廢,生活唔應該咁閉翳。若然你都唔甘於現狀,又知道社會唔理你需求,那又為何仍然繼續去配合社會要求呢?要是個別努力去搵好多錢去升學搵份高薪厚職,然後將一半薪水繳付根本不合理的昂貴租金,都仍然未達到基本的生存條件,那何不在DSE放榜後所有應屆畢業生團結一起,用三年本來讀大學的時間把這個連最基本生存條件都剝削的政府,甚至把社會推倒再重建你們心中的基本生存環境呢? 天生與皮膚癌同生共死,生前已寫好遺書,辦好葬禮,深信擁抱死亡才能活在當下。williamoutcast@gmail.com周一刊登

回首頁      列印

 

/48



C觀點

中原城市領先指數

廚神

旅遊