Ray手記 - Ray
規劃師＋家長子女＝紙皮規劃中環
2016年07月04日
-
(區嘉俊攝)
-
(區嘉俊攝)
港人愈來愈重視城市規劃，咁又係，Ray有時望下周圍環境，真係變得好快，滄海桑田。噚日有幾個組織就發起「維港新村2：兒童參與行人專用區規劃想像練習」，吸引咗300位家長同小朋友，喺20多位專業規劃師指導下，用2,000幾個回收嘅紙皮箱，喺中環海濱搭建中環未來嘅模樣。
由一班未來主人翁規劃佢哋心目中的中環，都真係有板有眼㗎。首先佢哋同家長梗係要跟規劃師學師先啦，掌握咗基本嘅規劃概念之後，佢哋分別起咗10條村落，裡面除咗有唔同形狀嘅商廈、住宅之外，亦加入不少環保綠色元素嘅社區設施，仲有古蹟群，佢哋都識得關注保留與鬧市共存，另外曾經被批評行得慢要取消嘅電車，小朋友就好有感情，要將整條德輔道中列作行人及電車專用區㖭！
今次活動係由德輔道中聯盟、綠腳丫、健康空氣行動、拓展公共空間及「拾易紙長」合辦，大家來自不同背景嘅持份者，集合一齊溝通及商討城市未來的發展之餘，亦由於紙皮係透過「拾易紙長」向中西區長者收集得來，於是小朋友喺玩樂過程中亦可認識區內長者嘅貧窮問題。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。
列印
