2016年12月16日

 

金融講ED - 渾水
聽風者的陰謀論

2016年06月21日
  • 林榮基早前現身談被捉經過。(資料圖片)

   

 

身為股市魚缸的一分子,每日都聽到怪風聲。雖然這些風聲很多時都係老點,因為市場入面吹水佬好多,老點人的也很多,被老點完再周圍唱的最多,不過空穴來風,未必無因,有人無啦啦放風,多少都有自己的目的。久而久之,會練造一身聽風辨影的功夫,這套功夫會強化了自己所有事情的分析能力。
最近有兩路人馬都提及一隻股票,這隻股票的幕後人對外宣稱自己低調持有兩隻創仔殼,但卻是出了名莫財。第一路人馬講起這隻股票感覺好似水魚,被人呃錢搵笨那種,佢對這隻股票投下信心一票,係因為佢背後另有高人「指」佢一條明路,甚至誓神說出「包你輸」這類豪言,所以水魚就跟買了。「包你輸」是一個害人的講法,因為講呢句說話的人,九成九在你輸前就已經走了路,「包你輸」唔係解做「輸了包底」,而係「包保你一定輸」咁解。另一路人馬係屬於前線工作者,比較親近指揮官,佢跟我說這隻股票時是吐苦水的語氣,因為指揮官又哄又呃,害佢輸了幾十萬。一路人馬說得,一路人馬說唔得,應該點信?
這個例子是很好的聽風思考訓練。經濟學訓練教識,凡競爭必定有輸家贏家,要睇清楚事實真相,就要從輸家贏家去出發,這跟權術思維也是一樣。第一,我係信前線工作者一套多一點,因為前線有一些地方要落手落腳做,佢的講法會騙人但總有幾成是靠譜的。第二,要睇客觀大環境,現在個市靜到最打得最狠的人都停手。無啦啦竟然有個莫財的人凸個頭出嚟,通常都係搵人笨居多。
無啦啦講聽風,係因為我想講少少林榮基的事,因為林榮基同市場風聲一樣,都係好多講法,每個講法都有不確定性。首先咁講,林榮基的勇氣,是值得一讚的,對於個別媒體的抹黑反應,你可以看成對家行的一步棋,也是一個背景測試。不過,有很多事情,除了訴諸陰謀論,我真係想唔通。
例如,到底初初邊位仁兄要林榮基提供客戶資料?既然都已經狠到可以活捉人返內地,要資料何必要這樣搞?總有前線人員可以用「自己方式」去獲得這些資料,我相信銅鑼灣書店的保安在前線人員眼中,也不是特別嚴密。
第二,為何林榮基有聯絡何俊仁的機會?跟李波的處理又不盡相同。現在事後去睇,泛民和何俊仁在這件事上贏了政治資本,贏了市民印象,這又如何解讀?第三,林榮基無啦啦提出港獨言論,又向泛民對住幹了?搞乜啊。
通常這些無法解釋的現象,我哋都慣性用「內地權鬥」去處理,不過,這個解釋近乎陰謀論,因為這會引申更多問題,例如邊個同邊個鬥、點鬥、點影響林榮基。適逢選舉年,好多事都會變得敏感,政治真係好複雜,那是因為權力的本質好複雜;相反,錢和金融真係相對簡單,只要掌握錢的流動方向,分析通常都錯不了。每次一想到政治,頭就痛了。 
作者為兼職上市公司ED(Executive Director),正職係90後廢青、偽文青 
https://www.facebook.com/muddydirtywater

回首頁      列印

 

/48



C觀點

中原城市領先指數

廚神

旅遊