2016年12月16日

 

金融講ED - 渾水
家長式管治害死香港股市

2016年05月31日
  • 李小加曾指將向市場諮詢改革。(資料圖片)

   

 

港交所(388)行政總裁李小加逼著壓力,要在下半年及明年首季就市場殼問題進行改革諮詢,其實個諮詢範圍唔單止講「啤殼」,仲包括「反收購」和「長期停牌」等。
我覺得改革諮詢係有必要,不過,大家都認識香港的官僚,諮詢好大機會只係做俾公眾和傳媒的公關,未必有實際成果。因為香港所有政策都有諮詢,但每每都有hidden agenda,有時過分到連官僚代表自己都唔熟書。
先講「啤殼」,我覺得李小加真係有小聰明,因為你要留意港交所官方文件的行文用字,佢哋好少好似我哋行家又或傳媒咁,常常把「殼」字掛在嘴邊,佢哋盡量會顧左右而言他。佢今次名義上話諮詢創業板,其實係借勢暗推佢一直想推的第三板。這一點,你會睇到證監會和港交所的矛盾處,證監會主席唐家成的語氣一直都唔太支持新三板,一來這會增加證監工作量,二來現實環境係香港連創業板的定位和問題又未解決,何苦多此一舉?去番李小加角度睇,港交所要賺錢,集資額要超英趕美,梗係起多壇第三板,多點來密點手接上市刁。
 
再講「反收購」,這是明目張膽的家長式管治。之前我在am730專欄都寫過意馬(585)的一單刁被硬砌生豬肉,明明只是「非常重大收購事項」,當中又無股權變動,但都老屈成「反收購」,公司也已上訴覆核。這是因為判定反收購除了有「明確測試」外,還有「原則為本測試」。「原則為本測試」係非常主觀的,無明文規定,只剩一些準則參考。我知道港交所擔心的地方,因為新殼主買殼後,係有機會斬件將業務分階段推上市。不過,講真,唔通人哋買隻殼之後24個月要食風唔做嘢咩?折衷的做法咪講到明一旦過了《上市規則》第14章的若干百分比的收購就一律唔准做,咁樣會對大家都好,因為有條文可以跟,而唔係被主觀判定。
至於「長期停牌」係對所有人都輸的行政干預,散戶買錯老千股,自然輸到爆廠,最無奈係對沖基金,明明捉啱路,都要輸錢。因為停了牌,無得買貨補倉,又唔係咁多OTC可以做,其實係搞死大家,呢一點係真係要諮詢。
最緊要係記住水至清則無魚,你要個股市暢旺、你要香港金融從業員有飯開,就一定要切忌家長式管治。全球監管機構的大勢都係以披露為本,而不是以行政干預為本。只要上市時確保資料對投資者公平、公開,就已經符合香港自由市場的核心價值。

 
作者為兼職上市公司ED(Executive Director),正職係90後廢青、偽文青  https://www.facebook.com/muddydirtywater
逢周二、四刊出

回首頁      列印

 

/40



C觀點

中原城市領先指數

廚神

旅遊