2016年12月16日

 

Ray手記 - Ray
添馬公園紮營依然敏感

2016年03月29日
   

 

眾所周知,康樂文化署管理的公園內,好多正常嘅康樂活動都係唔准做,包括踩單車、滑板、玩飛碟、遙控車、放風箏、小朋友吹泡泡,以至各種球類活動等等,甚至在椅上躺卧都唔得。Ray昨日有親身體會,原來用小型帳篷遮下太陽都好敏感,事緣Ray早上帶同一家大小到政府總部對出的添馬公園草地野餐,見四野無人,正準備撐起一個卡通人物小型帳篷之際,已即時有管理員上前,禮貌地表示公園內不准紮營,細問之下,原來近年流行的即開太陽檔(pop-up sun shade tent)或即開帳篷先至可以用,而要用手動支撐架或有營釘的就不可以,Ray最初打算開的是小朋友卡通小型帳篷,雖無營釘,但仍在禁止之列。重點在於,必須係pop-up即開的,不能有支架,原因不明,好在Ray亦帶另一個輕便即開太陽檔(圖1),才不致太過掃興。
老實說,添馬公園位置同環境都一流,氣氛亦算自由,起碼可以於有草的草地坐卧,等小朋友可以接觸一下真草地,場內告示(圖2)亦只係指明不准踩單車,其他相信可彈性處理,Ray即時上網check下,原來其他公園連即開帳篷都不准用,所以添馬公園對Ray已屬寬鬆處理。Ray一向少談政治,但望一望政府總部,聯想到年前的佔領運動,依家俾你開個營擋下太陽,已算皇恩浩蕩,仲想點!

Ray~投身傳媒工作多年,由市場研究做起,一直與公關、廣告、新聞界結下不解緣,心境永遠青春。

回首頁      列印

 

/40



C觀點

中原城市領先指數

廚神

旅遊